'सूरराई पोत्रू'च्या हिंदी रिमेकमध्ये अक्षय कुमारसोबत कॅमिओ साकारणार सुर्या

अभिनेता सुर्याने कन्फर्म केले आहे की तो दिग्दर्शक सुधा कोंगारा यांच्या सुपरहिट तमिळ चित्रपट सूरराई पोत्रूच्या हिंदी रिमेकमध्ये एक कॅमिओ भूमिका करणार आहे. हा चित्रपट अंशतः एअर डेक्कनचे संस्थापक कॅप्टन जीआर गोपीनाथ यांच्या जीवनातील घटनांनी प्रेरित होता.

मुंबई - दाक्षिणात्य स्टार सुर्याने बुधवारी दुजोरा दिला की तो त्याच्या तामिळ चित्रपट सूरराई पोत्रूच्या हिंदी रिमेकमध्ये विशेष भूमिका साकारणार आहे. रीमेकचे दिग्दर्शन सुधा कोंगारा करत आहेत, ज्यांनी मूळचे दिग्दर्शनही केले होते. या चित्रपटाचा प्रीमियर नोव्हेंबर 2020 मध्ये प्राइम व्हिडिओवर झाला होता.

सुपरस्टार अक्षय कुमार या चित्रपटात मुख्य भूमिका साकारणार असून या चित्रपटाचे शीर्षक अद्याप ठरलेले नाही. यामध्ये अभिनेत्री राधिका मदन देखील दिसणार आहे. ट्विटरवरील एका पोस्टमध्ये, सुर्याने अक्षय कुमारसोबतचा एक फोटो शेअर केला आणि सांगितले की, चित्रपटातील त्याच्या "संक्षिप्त कॅमिओ" साठी शूटिंग करताना मला खूप आनंद झाला. "सर, तुम्हाला या भूमिकेत पाहून खूप नॉस्टॅल्जिक वाटले!''

सूरराय पोत्रू (शूरांची स्तुती करा) या चित्रपटात नेडुमारन राजंगम किंवा मारा ही व्यक्तीरेखा सुर्याने साकारली होती. सामान्य प्रवाशाला परवडेल अशा प्रकारे विमानसेवा सुरू करण्याचे धाडस करणाऱ्या तरुण कॅप्टनची ही कथा आहे. हा चित्रपट अंशतः एअर डेक्कनचे संस्थापक कॅप्टन जीआर गोपीनाथ यांच्या जीवनातील घटनांवरून प्रेरित आहे. या चित्रपटाच्या निर्मितीची गेल्या वर्षी जुलैमध्ये घोषणा करण्यात आली होती.

हेही वाचा -आर्यमन देओल २१ वा वाढदिवस: बॉलिवूड प्रवेशाचा मुहूर्त कधी? चाहते उतावीळ