मुंबई - Varun-Lavanya Photos: मेगास्टार चिरंजीवीचा भाचा आणि साऊथ स्टार वरुण तेज आज लग्नबंधनात अडकणार आहे. वरुण हा अभिनेत्री लावण्या त्रिपाठीसोबत दीर्घकाळपासून रिलेशनशिपमध्ये होता. आता या जोडप्यानं त्यांच्या नात्याचे लग्नात रुपांतर करण्याचा निर्णय घेतला आहे. या वर्षीच्या जून महिन्यात या दोन्ही स्टार्सनं मोठ्या थाटामाटात साखरपूडा केला होता. हे स्टार कपल इटलीतील टस्कनीमध्ये लग्नाच्या बेडीत अडकणार आहे. लग्नापूर्वी वरुण तेज आणि लावण्या त्रिपाठी यांचा हळदी समारंभ पार पडला, ज्याचे फोटो सोशल मीडियावर व्हायरल होत आहेत. या फोटोमध्ये हे जोडपे खूप खूश दिसत आहे.
वरुण तेज-लावण्या त्रिपाठी हळदी समारंभाचे फोटो :हळदी समारंभाची थीम पिवळा रंग आहे. या समारंभाचा ड्रेस कोड पिवळा, गुलाबी आणि पांढरा होता. वरुण चमकदार पिवळ्या रंगाचा कुर्ता आणि पायजमा घातला आहे. तर लावण्यानं पिवळ्या रंगाची चोली आणि पांढऱ्या रंगाचा लेहेंगा घातला आहे. फोटोमध्ये हे कपल एकमेकांच्या डोळ्यात मग्न झालेले दिसत आहेत, तर इतर फोटोंमध्ये त्यांचे नातेवाईक गार्डन परिसरात बसून कॅमेरासाठी पोझ देताना दिसत आहेत. याशिवाय आणखी दोन फोटोमध्ये साऊथचा सुपरस्टार चिरंजीवी आणि त्याची पत्नी सुरेखा वधू-वरांना आशीर्वाद देत आहेत. वरुण आणि लावण्य लग्नात मनीष मल्होत्राचा डिझाईन केलेला पोशाख परिधान करणार आहेत.