'विक्रांत रोना' ट्रेलर लाँचला सलमान खानची हजेरी, साउथ फिल्म्सचे केले कौतुक

विक्रांत रोना ट्रेलर लॉन्च ( Vikrant Rona trailer ) प्रसंगी सलमान खान ( Salman Khan ) उपस्थित होता. यावेळी बोलताना तो म्हणाला की, सर्व चित्रपट निर्माते आणि अभिनेते त्यांचे चित्रपट हिट बनवण्याचे ध्येय बाळगतात परंतु यशाचे कोणतेही सूत्र नाही. सलमानने हेही कबुल केले की दाक्षिणात्य चित्रपट चांगली कामगिरी करीत आहेत.

मुंबई- सुपरस्टार सलमान खानने ( Superstar Salman Khan ) सोमवारी सांगितले की, दक्षिणेतील चित्रपट खरोखर चांगली कामगिरी करत आहेत आणि प्रत्येक कलाकाराला चांगला चित्रपट बनवायचा असला तरी बॉक्स ऑफिसवर यशाची हमी देणारे कोणतेही सूत्र नाही. अभिनेता किच्चा सुदीपच्या ( Kichcha Sudeepa ) आगामी कन्नड कल्पनारम्य अॅक्शन-अ‍ॅडव्हेंचर फिल्म 'विक्रांत रोना'ची ( Vikrant Rona ) हिंदी आवृत्ती सलमान खान सादर करणार आहे.

चित्रपटाच्या एका विशेष कार्यक्रमात सलमान खानने कलाकारांशी संवाद साधला. यावेळी अभिनेत्री नीथा अशोक म्हणाली की बॉलीवूड सुपरस्टारने ट्विटरवर चित्रपटाचा ट्रेलर शेअर केल्याचे पाहून ती थक्क झाली. यावर सलमान खान म्हणाला, "मी देखील चित्रपट सादर करत आहे! मला हे (प्रमोशन) करावे लागेल. मला तोट्यात जायचे नाही... साऊथचे चित्रपट खरोखर चांगले काम करत आहेत."

सलमानला विश्वास आहे की यशस्वी चित्रपट देण्यासाठी कोणतेही सूत्र नाही. "आम्ही सर्वजण सर्वोत्तम चित्रपट बनवण्याचा प्रयत्न करतो, तो सर्वांपर्यंत पोहोचावा अशी आमची इच्छा असते. कधी त्या य़श मिळते तर कधी नाही. यात काही 100 टक्के काम होईल, असे कोणतेही सूत्र नाही," असे तो म्हणाला.

अलीकडच्या काळात, तेलुगू अॅक्शन ड्रामा पुष्पा - द राइज, आरआरआर आणि यशचे केजीएफ चॅप्टर 2 सारखे चित्रपट उद्योगातील सर्वात मोठे हिट ठरले, तर अनेक बॉलिवूड चित्रपट वितरित करण्यात अयशस्वी ठरले. हिंदी चित्रपटसृष्टीने आतापर्यंत फक्त गंगूबाई काठियावाडी, द काश्मीर फाइल्स आणि भूल भुलैया 2 सारखे चित्रपट हिट ठरले आहेत.

अनुप भंडारी दिग्दर्शित विक्रांत रोना, एक 3D कल्पनारम्य अॅक्शन-साहसी चित्रपट, कन्नड, तामिळ, तेलगू, मल्याळम आणि हिंदीमध्ये गुरुवारी प्रदर्शित होणार आहे.

हेही वाचा -जेसन मोमोआच्या कारचा अपघात, अभिनेता सुखरुप