मुंबई - Salman Khan and his niece birthday:अभिनेता सलमान खान आज, 27 डिसेंबरला त्याचा 58 वा वाढदिवस साजरा करत आहे. याशिवाय याच दिवशी भाईजानची भाची, बहीण अर्पिता आणि आयुषची मुलगी आयतचाही वाढदिवस आहे. आता सध्या सोशल मीडियावर वाढदिवसाच्या सेलिब्रेशनचे फोटो आणि व्हिडिओ प्रचंड व्हायरल होत आहेत. दरम्यान या खास प्रसंगी अभिनता बॉबी देओलही उपस्थित होता. सोशल मीडियावर सलमान खानचे फोटो व्हायरल होताच अनेकजण त्याला वाढदिवसाच्या शुभेच्छा देत आहेत. सलमान खाननं त्याच्या 58व्या वाढदिवसानिमित्त भाची आयतसोबत केक कापून आपला खास दिवस साजरा केला.
सोशल मीडियावर फोटो व्हायरल :यावाढदिवसाच्या सेलिब्रेशनमध्ये सलमान खान आणि त्याची भाची बहीण अर्पिता खान, आयुष शर्मा, अरबाज खान, अरहान खान, हेलन, अलविरा खान अग्निहोत्री, युलिया वंतूर, बॉबी देओल, साजिद, कुटुंबातील सदस्य आणि बरेच मित्र उपस्थित होते. एका व्हिडिओमध्ये सलमान खान, हेलन, अर्पिता, आयुष हे आयतच्या केक कटिंगच्या वेळी वाढदिवसाचे गाणं गाताना दिसत आहेत. याशिवाय दुसऱ्या एका व्हिडिओमध्ये अर्पिता आयतला सलमानला केक खायला सांगताना दिसत आहे. या खास प्रसंगी अर्पितानं 'भाईजान' आणि आयतला केक खाऊ घातला. सलमान खानच्या फोटो आणि व्हिडिओला अनेकजण पसंत करत आहेत.