मुंबई :अ‍ॅपलचे सीईओ टिम कुक नुकतेच बिझनेस ट्रिपवर भारतात आले आहेत. टेक जायंट अ‍ॅपलने सोमवारी मुंबईत पहिले रिटेल स्टोअर लाँच केले. या खास प्रसंगी, बॉलिवूड अभिनेत्री रवीना टंडन, एआर रहमान, माधुरी दीक्षित, मौनी रॉय आणि तिचा पती सूरज नांबियार, गायक अरमान मलिक आणि फराह खान अली यांसारखे अनेक बॉलिवूड सेलिब्रिटी खाजगी स्टोअर लॉन्च इव्हेंटमध्ये पोहोचले.
टिम कुकसोबत एक नाईट आऊट :सेलिब्रिटींनी अ‍ॅपलच्या सीईओसोबतचे काही फोटो त्यांच्या सोशल मीडिया हँडलवर शेअर केले आहेत. पद्मश्री पुरस्काराने सन्मानित बॉलीवूड अभिनेत्री रवीना टंडनने तिच्या इंस्टाग्राम अकाऊंटवर या कार्यक्रमाचे अनेक फोटो शेअर केले आहेत. ज्यामध्ये तिने लिहिले आहे की, 'अ‍ॅपलचे सीईओ टिम कुकसोबत एक नाईट आऊट'. फोटोंमध्ये अभिनेत्री तिचा मुलगा रणबीरसोबत अ‍ॅपलच्या सीईओसोबत पोज देताना दिसत आहे. त्याचवेळी ऑस्कर विजेते एआर रहमानने देखील एक फोटो शेअर केला आहे आणि त्याच्या कॅप्शनमध्ये लिहिले आहे की, 'आम्ही कशाबद्दल बोलत आहोत? काही अंदाज?
भारतातील पहिले अ‍ॅपल स्टोअर लॉन्च : बॉलीवूड गायक अरमान मलिकने त्याच्या इंस्टाग्रामवर टिमसोबतचा एक सेल्फी शेअर केला असून त्याला व्हाईट हार्ट इमोजीसह कॅप्शन दिले आहे. भारतातील पहिल्या अ‍ॅपल स्टोअरच्या लॉन्चच्या वेळी दोन दिग्गजांना भेटलो आणि माझे 'सन माही' गाणे पाहिले. किती छान संध्याकाळ.'