Rashmika Pushpa 2 first look : पुष्पा २ मधील रश्मिका मंदान्नाचा फर्स्ट लूक, वाढदिवसानिमित्त निर्मात्यांची अनोखी भेट

रश्मिका मंदान्नाच्या 27 व्या वाढदिवसानिमित्त तिच्या आगामी चित्रपट पुष्पा: द रुलच्या निर्मात्यांनी तिचा चित्रपटातील पहिला लूक रिलीज केला. अल्लू अर्जुन मुख्य भूमिकेत असलेल्या या चित्रपटात अभिनेत्री रश्मिका श्रीवल्लीची भूमिका पुन्हा साकारणार आहे.

हैदराबाद: पुष्पा: द रुलच्या निर्मात्यांनी रश्मिका मंदान्नाच्या 27 व्या वाढदिवसानिमित्त चित्रपटातील पहिल्या लूकचे लॉन्चिंग केले. बुधवारी, मैत्री मुव्ही मेकर्सने पुष्पा 2 मधील रश्मिकाचे फर्स्ट लूक पोस्टर रिलीज केले. अभिनेत्री रश्मिका या चित्रपटात श्रीवल्लीच्या भूमिकेची पुनरावृत्ती करणार आहे. परंतु तिचा सिक्वेल पुष्पा: द राइज पेक्षा थोडा वेगळा आहे.

रश्मिका मंदान्नाचा डी ग्लॅम अवतार - मंगळवारी, पुष्पा 2 च्या निर्मात्यांनी सोशल मीडियावर चित्रपटाचे अपडेट दिल्यामुळे इंटरनेटवर खळबळ उडाली होती. 5 एप्रिल रोजी रश्मिका मंदान्नाचा वाढदिवस असल्याने पुष्पा निर्मात्यांनी सूचित केलेले अपडेट रश्मिकाचे चित्रपटातील पहिले लूक पोस्टर असू शकते असा निष्कर्ष चाहत्यांनी काढण्याआधीच याबद्दलच्या अंदाजांना सुरुवात झाली होती. वचन दिल्याप्रमाणे, पुष्पा चित्रपटाचे निर्माते पुष्पा 2 बाबतचे अपडेट घेऊन आले आहेत आणि रश्मिकाच्या चाहत्यांसाठी ही एक मेजवानी आहे. अभिनेत्री रश्मिकाने तिच्या डी-ग्लॅम अवतार आणि पुष्पामधील अभिनयाने समीक्षक आणि प्रेक्षकांना सारखेच प्रभावित केले होते. चित्रपटाचे दिग्दर्शक सुकुमार यांनी चंदन माफियांविरुद्धच्या चित्रपटात रश्मिकाच्या व्यक्तिरेखेला एक महत्त्वाचे पात्र बनवले होते.

रश्मिकाचा अभिनेता नितीनसोबत चित्रपट- याच बॅनरखाली रश्मिकाचा आणखी एक चित्रपट येत आहे. मैत्री मुव्ही मेकर्सद्वारे निर्मिती केलेल्या आगामी तेलगू चित्रपटात रश्मिका ही अभिनेता नितीन सोबत दिसणार आहे. VNRTrio असे तात्पुरते शीर्षक असलेल्या चित्रपटातील रश्मिकाचा लूक अभिनेत्रीच्या वाढदिवसाच्या शुभेच्छा देऊन रिलीज करण्यात आला होता. वेंकी कुदुमुला दिग्दर्शित, हा चित्रपट एक उत्कृष्ट मनोरंजन करणारा असल्याचे म्हटले जाते. रश्मिकाने यापूर्वी कन्नड, तमिळ, तेलुगु आणि हिंदी चित्रपटात काम केले आहे. गुडबाय या चित्रपटातून तिने अमिताभ बच्चनसोबत बॉलिवूडमध्ये काम केले होते. सर्व आघाडीच्या साऊथ स्टार्स सोबत काम केल्यानंतर ती आता नितीन या स्टारसोबत VNRTrio या आगामी सिनेमात काम करत आहे. नितीन हा तेलुगु फिल्म इंडस्ट्रीतील हँडसम अभिनेता आहे. त्याच्या नावावर जयम या पदार्पणाच्या चित्रपटापासून अनेक ब्लॉकबस्टर चित्रपट नावावर आहेत.

हेही वाचा -Asia Pacific Premier Of Citadel : सिटाडेलच्या प्रीमियरमध्ये प्रियांका चोप्राचा जलवा, वरुण धवन रेखासह दिग्गजांची हजेरी