मुंबई- बॉलिवूडचे स्टार कपल रणवीर सिंग आणि दीपिका पदुकोण यांच्याबद्दल चर्चा देशात आणि जगात नेहमीच सुरू असतात. अशा परिस्थितीत काही दिवसांपासून या जोडप्याबद्दल बातम्या येत होत्या की, दोघांच्या संसारामध्ये तेढ निर्माण झाली आहे. आता या अटकळांवर रणवीर सिंगचे वक्तव्य व्हायरल होत आहे. एका इव्हेंटमध्ये रणवीर सिंगने पत्नी दीपिका पदुकोणसोबतच्या नात्याबद्दल काही खास गोष्टी सांगितल्या आहेत. दोघांचे नाते कसे आहे हे रणवीरने सांगितले आहे.
काय होती व्हायरल बातमी - काही दिवसांपूर्वी सोशल मीडियावर अशा बातम्या येत होत्या की, रणवीर आणि दीपिकामध्ये काहीही चांगले चालले नाही. मात्र, आता एक ट्विट समोर आले आहे, ज्यामध्ये रणवीरने पत्नी दीपिकासोबतच्या नात्याबद्दल उघडपणे सांगितले आहे. या व्हायरल ट्विट व्हिडिओमध्ये रणवीरने म्हटले आहे की, 'देवाचे आभार... आम्ही भेटलो आणि 2012 मध्ये डेट करायला सुरुवात केली आणि 2022 पर्यंत करत आहोत, तेव्हापासून मी आणि दीपिका एकत्र आहोत'.
रणवीरने दीपिकाला लकी मानले - नुकतेच फिल्मफेअर अवॉर्ड्समध्ये सर्वोत्कृष्ट अभिनेत्याचा पुरस्कार जिंकल्यावर रणवीर सिंग म्हणाला, 'माझ्या यशाचे रहस्य माझी पत्नी आहे आणि तिच्याकडून मला काहीतरी करण्याची ताकद मिळते. या जोडप्याची केमिस्ट्री चाहत्यांनाही खूप आवडते आणि ते या जोडप्यावर प्रेमाचा वर्षाव करतात. रणवीर-दीपिकाने 6 वर्षे डेटिंग केल्यानंतर 2018 साली लग्न केले आणि त्यांचा सुखाचा संसार सुरू आहे..
दीपिका आणि रणवीरचे आगामी चित्रपट - स्टार कपलच्या वर्क फ्रंटबद्दल बोलायचे झाले तर दीपिका पदुकोण बॉलिवूड सुपरस्टार शाहरुख खानसोबत 'पठाण' चित्रपटात आणि हृतिक रोशनसोबत 'फाइटर' या चित्रपटात दिसणार आहे. याशिवाय दीपिका प्रोजेक्ट के वरही काम करत आहे. रणवीर सिंग लवकरच रोहित शेट्टीच्या 'सर्कस' या चित्रपटात दिसणार असून त्याने करण जोहरच्या 'रॉकी और रानी की प्रेम कहानी' या चित्रपटाचे शूटिंग पूर्ण केले आहे.
हेही वाचा -पाहा दृश्यम 2 टीझर : कुटुंबावर आलेल्या संकटाचा मुकाबला करण्यास विजय साळगावकर सज्ज
