मुंबई- सिद्धार्थ मल्होत्रा आणि कियारा अडवाणीच्या लग्नानंतर, चाहते आता बाहुबली स्टार्सकडून मोठ्या घोषणेची वाट पाहत आहेत. अलीकडे, क्रिती सॅनॉन आणि प्रभास त्यांच्या कथित नात्याला पुढच्या स्तरावर नेण्यासाठी सज्ज असल्याच्या अफवा पसरत आहेत. लेटेस्ट चर्चेमध्ये असेही समजते आहे की हे जोडपे त्यांच्या एंगेजमेंटसाठी मालदीवला जाणार आहेत.
वृत्तानुसार, प्रभास आणि क्रितीच्या एंगेजमेंटच्या अफवा स्वयंघोषित समीक्षक उमेर यांनी खुलासा केल्यानंतर पसरल्या होत्या. दोघेही मालदिवमध्ये एंगेजमेंट करणार असल्याची ही चर्चा होती. इतकंच नाही तर उमेरने क्रिती आणि प्रभास यांची मालदीवमध्ये डेस्टिनेशन एंगेजमेंट होणार असल्याचा खुलासाही केला होता.
उमेरचे ट्विट व्हायरल होणे निश्चितच होते कारण प्रभासचे चाहते त्यांच्या आवडत्या स्टारला बोहल्यावर चढताना पाहण्याची अपेक्षा ठेवून आहेत. प्रभासच्या आयुष्यात जोडीदार यावा यासाठी ते आतुरतेने वाट पाहत आहेत. बाहुबली स्टारचे चाहते कदाचित प्रभासच्या टीमने एंगेजमेंटच्या अफवांवर केलेले भाष्य पाहून पाहून निराश झाले असतील.
प्रभासच्या टीमच्या म्हणण्यानुसार, उमेरच्या दाव्यांमध्ये तथ्य नाही. प्रभास क्रितीच्या प्रेम प्रकरणात कोणतेही तथ्य नाही, त्या दोघांमध्ये मैत्री आहे त्या पलिकडे काहीच नाही. प्रभास आणि क्रिती हे फक्त मित्र आहेत. त्यांच्या एंगेजमेंटच्या बातम्या खर्‍या नाहीत," असे प्रभासच्या टीमने वेबलॉइडला सांगितले.
अफवा असलेले हे लव्हबर्ड्स ओम राऊत यांच्या आगामी आदिपुरुष चित्रपटात एकत्र दिसणार आहेत. रामायणावर आधारित चित्रपटात प्रभास रामाची भूमिका साकारणार आहे, तर क्रिती सीतेच्या भूमिकेत दिसणार आहे. झलक दिखला जा या रिअॅलिटी शोमध्ये भेडियाच्या प्रमोशनदरम्यान वरुण धवनने असे संकेत दिल्यानंतर क्रिती आणि प्रभासच्या डेटिंगच्या अफवा पसरल्या होत्या.
शोमध्ये वरुणची मजेदार धमाल सोशल मीडियावर पसरली आणि अफवा बाजूला ठेवण्यासाठी क्रितीला सोशल मीडियावर जावे लागले. 'ना प्यार है, ना पीआर. आमचा भेडिया एका रिअॅलिटी शोमध्ये थोडासा जंगली झाला होता. आणि त्याच्या गमतीशीर वादामुळे काही अफवा पसरल्या होत्या. काही पोर्टल माझ्या लग्नाची तारीख जाहीर करण्यापूर्वी-मला तुझा फुगा फोडू दे. अफवा आहेत. पूर्णपणे निराधार!', असे क्रितीने इंस्टाग्राम स्टोरीवर लिहिले.
गेल्या ऑक्टोबरमध्ये आदिपुरुष टीझर लाँच करताना, चाहत्यांना क्रिती आणि प्रभास यांची पडद्यावरही सहज केमिस्ट्री शेअर झाल्याचे वाटले. त्यानंतर, या कार्यक्रमातील फोटो आणि व्हिडिओंनी #PraKriti या हॅशटॅगसोबत सोशल मीडियावर धुमाकूळ घातला होता. क्रिती आणि प्रभास एकमेकांना डेट करत असल्याच्या चर्चा गेल्या काही दिवसांपासून सुरू आहेत, पण या दोघांनी असे म्हटले आहे की ते रोमँटिकपणे गुंतलेले नाहीत.
हेही वाचा -Rakhi Sawant On Love Jihad : लव्ह जिहादचा शब्द उच्चरताच भडकली राखी सावंत, म्हणाली 'मी इस्लाम कबुल केलाय'
