हैदराबाद - Prabhas pose with Ted Sarandos : नेटफ्लिक्सचे सीईओ टेड सारंडोस सध्या भारताच्या दौऱ्यावर आहेत. साऊथ स्टार राम चरण आणि चिरंजीवी यांसारख्या स्टार्सकडून हैदराबादमध्ये त्यांचे जोरदार स्वागत झाले. हैदराबादच्या भेटीदरम्यान, टेडने ज्युनियर एनटीआर, महेश बाबू यांचीही भेट घेतली.
प्रभास आणि 'कल्की 2898 एडी'च्या टीमशी टेड सारंडोस यांनी भेट घेतली याची चर्चा सध्या सोशल मीडियावर जोरात आहे. शुक्रवारी साऊथ स्टार राणा दग्गुबतीनं टेडला डिनरसाठी आमंत्रण दिलं होतं. या पार्टीत दुल्कर सलमान, एसएस राजामौली आणि इतरही सेलेब्रिटी सामील झाले होते.
व्हायरल ग्रुप सेल्फीमध्ये टेड प्रभास आणि 'कल्की 2898 एडी' दिग्दर्शक नाग अश्विन यांच्यासोबत फोटो क्लिक करताना दिसत आहेत. फोटोत 'वैजयंती फिल्म्स'च्या निर्मात्या स्वप्ना आणि प्रियंका दत्त, नेटफ्लिक्स इंडियाच्या कंटेंटच्या उपाध्यक्षा मोनिका शेरगिल आणि इतरही सेलेब्रिटी यावेळी उपस्थित होते.
प्रभास, पांढर्‍या टी-शर्ट आणि काळ्या पँटसह काळ्या पुलओव्हरसह, व्हायरल फोटोत आकर्षक दिसत होता. यामध्ये प्रभासची दाढी वाढलेली दिसते. चाहत्यांना त्याचा हा लूक आवडला आहे. प्रभास आगामी संदीप रेड्डी वंगाच्या 'स्पिरीट' या चित्रपटात दिसणार असल्यामुळे त्यानं हाच लूक धारण करावा अशी काही चाहत्यांनी अपेक्षा व्यक्त केली आहे.
दरम्यान, शुक्रवारी त्याच्या घरी डिनरवर भेट झाल्यानंतर राणा दग्गुबतीने देखील सोशल मीडियावर टेड आणि काही जवळच्या मित्रांसोबतचे फोटो शेअर केले. आरआरआरचे दिग्दर्शक एसएस राजामौली, व्यंकटेश दग्गुबती, दुल्कर सलमान आणि इतरांनी एकत्र मजेत संध्याकाळ घालवताना फोटोसाठी पोज दिल्या आहेत.