मुंबई- बॉलिवूड स्टार सलमान खानने त्याच्या आगामी 'किसी का भाई किसी की जान' या चित्रपटाच्या ट्रेलर लाँचच्या वेळी शेहनाज गिल आणि राघव जुयाल यांच्या नात्याचे संकेत दिल्यानंतर इंटरनेटवर खळबळ उडाली. कपिल शर्मा शो वरील KKBKKJ च्या प्रमोशन दरम्यान, दबंग स्टारने पुन्हा शहनाजला 'सिदनाझ' (सिद्धार्थ शुक्ला आणि शहनाज यांना चाहत्यांनी त्याकाळी दिलेले टोपणनाव) वरून आयुष्यात पुढे जाण्याचा आग्रह केला आणि तिला पुढे जाऊ न दिल्याबद्दल चाहत्यांना खडे बोल सुनावले.
सिडनाझ ट्रेंड केल्याबद्दल सलमान रागावला- द कपिल शर्मा शोच्या सेटवरून सोशल मीडियावर फिरत असलेल्या एका व्हिडिओमध्ये सलमानने सोशल मीडियावर 'सिडनाझ' ट्रेंड केल्याबद्दल तिच्या चाहत्यांवर टीका केली. ट्रोल्सला संबोधित करताना अभिनेता सलमान म्हणाला, 'क्या सिदनाज लगा रखा है?' सलमानने निदर्शनास आणून दिले की जेव्हा तिच्या डेटिंगच्या अफवा अलीकडेच ऑनलाइन समोर आल्या तेव्हा त्याच लोकांनी तिला ट्रोल केले.
सलमानचा शेहनाझबद्दलचा प्रगतशीला विचार - सलमानच्या म्हणण्यानुसार, 'सिडनाझ' भोवती सोशल मीडियाचा उन्माद शेहनाजला आयुष्यात पुढे जाण्यात अडथळा आणतो. त्याने हे स्पष्ट केले की शेहनाझने शेवटी लग्न केलेच पाहिजे आणि मुलेही झालीच पाहिजे, मग 'सिडनाझ'ला सतत का वाढवायचे? सलमानने सांगितले की सिद्धार्थ शुक्ला आता नसले तरी शहनाजला तिच्या आयुष्यात आनंद आणि प्रेम मिळावे अशी त्याची इच्छा आहे.
प्रेक्षकांना सलमानने सुनावले खडे बोल- सलमान खानने शेहनाझच्या चाहत्यांना विनंती केली की कोणीही शहनाजला सिडनाजची आठवण करून देऊ नये. सलमान शहनाज गिलच्या समर्थनार्थ प्रेक्षकांना संबोधित करताना अभिनेत्री शेहनाझ त्याच्याकडे बारकाईने लक्ष देताना दिसत होती. दरम्यान, किसी का भाई किसी की जान हा चित्रपट यावर्षी 21 एप्रिलला रिलीज होणार आहे. या चित्रपटात सलमान खान, भूमिका चावला, पलक तिवारी, सिद्धार्थ निगम, विनाली, व्यंकटेश दग्गुबती, शेहनाज गिल, राघव जुयाल आणि बऱ्याच कालाकारांच्या भूमिका आहेत.
हेही वाचा -Deepika Padukone : दीपिकाचा सद्य मानसिक स्थितीचा एक मजेदार मीमद्वारे इशारा; व्हायरल रीलमुळे झाले प्रभावित
