मुंबई - बॉलिवूडचे लाडके जोडपे सिद्धार्थ मल्होत्रा आणि कियारा अडवाणी यांनी जवळचे नातेवाईक आणि खास पाहुण्यांच्या उपस्थितीत फेब्रुवारी रोजी जैसलमेरच्या शाही सूर्यगड पॅलेसमध्ये लग्नगाठ बांधली. सध्या मुंबईत दोघांच्या लग्नाच्या रिसेप्शनची जोरदार चर्चा आहे. मुंबईत हे रिसेप्शन कधी आणि कुठे होणार याची माहिती समोर आली आहे. दरम्यान, कियारा अडवाणी गरोदर असल्याच्या बातम्यांनी जोर पकडला आहे.
कियारा लग्नाआधीच गर्भवती होती? - लग्नानंतर कियारा अडवाणीचे फोटो व्हायरल झाले आहेत, ज्यामध्ये तिच्या हातात सिंदूर आणि बांगड्या दिसत आहेत. तिच्या या लूककडे चाहतेही आकर्षित झाले आहेत आणि या फोटोंवर भरपूर प्रतिक्रिया देत आहेत. यापैकी काही वापरकर्ते आहेत जे कियारा गर्भवती असल्याबद्दल कमंटमध्ये लिहित आहेत.
कियारा गरोदर असल्याचा सोशल मीडिया युजर्सचा संशय- सोशल मीडियावर समोर आलेल्या व्हिडिओमध्ये सिद्धार्थ-कियारा सुंदर दिसत आहेत. यादरम्यान कियारा काळ्या रंगाच्या सूटमध्ये सुंदर दिसत आहे. आता कियाराचा हा लूक पाहून युजर्सने कियारा बॉलीवूड अभिनेत्री आलिया भट्टसारखी प्रेग्नंट असल्याचे गृहीत धरले आहे. युजर्स व्हिडिओवर कमेंट करत आहेत की कियारा वारंवार पोट लपवत आहे, ज्यामुळे तिला मेसेज येत आहेत. काही यूजर्सचे म्हणणे आहे की कियारा देखील आलियाप्रमाणेच प्रेग्नंट आहे.
कियाराच्या कृतींवर युजर्सच्या प्रतिक्रिया - या व्हिडिओवर एका यूजरने लिहिले आहे की, 'अर्थात कियारा प्रेग्नंट आहे'. दरम्यान, एका यूजरने या जोडप्याचे अभिनंदन करताना लिहिले आहे की, 'कियारा आपले पोट कायम स्कार्फने का लपवत आहे, असो तरीही या जोडप्याचे अभिनंदन.' एका यूजरने लिहिले की, 'कियाराही आलियाप्रमाणेच प्रेग्नंट असेल.' खरतंर या युजर्सच्या कमेंट्सना किती महत्त्व द्यावे हा प्रत्येक विवेकाने विचार करणाऱ्यांनी ठरवायची गोष्ट आहे. मात्र सोशल मीडियावर अशा प्रकारच्या प्रतिक्रिया येणे याला या अगोदरची बॉलिवूडमधील जोडप्यांची काही उदाहरणे कारणीभूत आहेत.
सिद्धार्थ-कियारा कधीपासून डेटिंग करत होते? - 2018 मध्ये 'शेरशाह' चित्रपटावर काम सुरू झाले होते. या चित्रपटात सिद्धार्थ-कियारा मुख्य भूमिकेत होते. या चित्रपटाच्या सेटवर सिद्धार्थ-कियारा पहिल्यांदाच भेटले होते. शेरशाह या चित्रपटादरम्यान हे जोडपे एकमेकांना पसंत करू लागले आणि डेट करू लागले. त्याच वेळी, 2021 मध्ये शेरशाह हा चित्रपट प्रदर्शित झाला, जो बॉक्स ऑफिसवर हिट ठरला. यानंतर 7 फेब्रुवारी 2023 रोजी या दोघांनी त्यांच्या नात्याला लग्न मंडपापर्यंत पुढे नेले. पण त्याआधी हे कपल त्यांच्या डेटींगच्या बातम्यांमुळे खूप चर्चेत होते.
हेही वाचा -Kangana Criticizes Aamir Khan : 'बेचारा' आमिर खान पुन्हा कंगना राणौतच्या निशाण्यावर! का ते जाणून घेण्यासाठी वाचा
