मुंबई - बॉलिवूड अभिनेता कार्तिक आर्यनने आपल्या अभिनयाच्या जोरावर बॉलिवूडमध्ये आपली एक खास ओळख निर्माण केली आहे. कार्तिक आर्यनचा चाहता वर्ग फार मोठा आहे. कार्तिकने या चित्रपटा अभिनयाबरोबरच शेहजादा या चित्रपटाचा निर्माता देखील आहे. हा चित्रपट साउथच्या अभिनेता अल्लू अर्जूनच्या सुपरहिट चित्रपटाचा रिमेक होता. मात्र, कार्तिक हा चित्रपट बॉक्स ऑफिसवर चांगली कमाई करु शकला नाही. कार्तिकचा हा चित्रपट सध्या ओटीटीवर बघायला मिळत आहे. रोहित धवन दिग्दर्शित 'शेहजादा'मध्ये अभिनेत्री क्रिती सेनॉन, मनीषा कोईराला परेश रावल, आणि रोनित रॉय या कालाकरांनी भूमिका साकारल्या आहेत.
नेटफ्लिक्सवर शेहजादा चित्रपट : शेहजादा हा चित्रपट अला वैकुंठापुररामलू या तेलगू चित्रपटाचा हिंदी रिमेक आहे. ज्यात अभिनेता अल्लू अर्जुन मुख्य भूमिकेत होता. एका मुलाखतीत कार्तिक 'शेहजादा' या चित्रपटाबद्दल प्रतिक्रिया देताना म्हणाला, 'शेहजादा हा एक खास चित्रपट आहे. नेटफ्लिक्सवर हा चित्रपट बघायला मिळेल. तसेच नंतर त्याने म्हटले की, मला आनंद आहे. जगभरातील प्रेक्षक हा चित्रपट पाहत आहेत आणि त्याला पाहिजे तसे प्रेम देत आहेत हे पाहून मला खूप आनंद झाला. जवळपास 20 दिवसांपासून नेटफ्लिक्सवर, जागतिक स्तरावर टॉप 10 मध्ये ट्रेंड करत आहे. हा प्रतिसाद पाहून मी खरोखरच भारावून गेलो आहे. अशा भावना कार्तिकने यावेळी व्यक्त केल्या आहेत.