मुंबई - अभिनेत्री कंगना रणौत तेजस या आगामी चित्रपटातून मोठ्या पडद्यावर परतण्यासाठी सज्ज झाली आहे. निर्मात्यांनी बुधवारी तेजसच्या रिलीजची तारीख जाहीर केली आणि गणवेशातील कंगनाच्या काही झलकही शेअर केल्या. कंगनाचा तेजस चित्रपट टायगर श्रॉफ आणि क्रिती सेनॉन यांच्या भूमिका असलेल्या साय-फाय अ‍ॅक्शन थ्रिलर गणपथ पार्ट १ सोबत रिलीज होणार आहे.
कंगनाची प्रमुख भूमिका असलेला तेजस २० ऑक्टोबर रोजी थिएटरमध्ये प्रदर्शित होणार आहे, असे निर्मात्यांनी सांगितले. सर्वेश मेवारा दिग्दर्शित आणि लिखित, आगामी तेजस चित्रपटात कंगना रणौत भारतीय वायुसेनेच्या पायलटच्या भूमिकेत आहे. प्रॉडक्शन हाऊस आरएसवहिपी मुव्हीजने त्यांच्या अधिकृत ट्विटर पेजवर रिलीजच्या तारखेची घोषणा शेअर केली आहे.
निर्मात्यांच्या मतानुसार तेजस चित्रपटाची कथा कंगना रणौतने साकारलेल्या तेजस गिलभोवती फिरते. या व्यक्तिरेखेचा मुख्य उद्देश आहे की, मार्गात असंख्य आव्हानांना तोंड देत आपल्या देशाचे अथक रक्षण करणाऱ्या शूर सैनिकांमध्ये अभिमानाची भावना जागृत करणे". हा चित्रपट यापूर्वी ५ ऑक्टोबर २०२२ रोजी सिनेमागृहात येणार होता, परंतु तो २० ऑक्टोबर २०२३ ला र्यंत लांबणीवर पडला आहे.
तेजसच्या निर्मात्यांनी या चित्रपटाच्या प्रदर्शनासाठी २० ऑक्टोबरची निवड केली आहे जी विकास बहल दिग्दर्शित गणपथ भाग १ च्या निर्मात्यांनी आधीच बुक केली आहे. त्यामुळे हे दोन चित्रपटांचा बॉक्स ऑफिसवर सामना पाहायला मिळणार आहे. टायगर आणि क्रिती यांच्या समोरील अ‍ॅक्शन ड्रामा विकास गणपथ भाग १ जॅकी भगनानी, वाशू भगनानी, दीपशिखा देशमुख यांनी निर्माण केला आहे.