मुंबई - Jab we met sequel: करीना कपूर खान आणि शाहिद कपूर यांचा 'जब वी मेट' चित्रपट रूपेरी पडद्यावर ब्लॉकबस्टर झाला होता. 2007 मध्ये रिलीज झालेला हा रोमँटिक-कॉमेडी चित्रपट खूप गाजला आणि अजूनही चाहत्यांच्या मनावर राज्य करत आहे. चाहत्यांनी अनेकदा या चित्रपटाची मागणी केली होती. शेवटी आता 'जब वी मेट'चा सीक्वल लवकरच प्रेक्षकांच्या भेटाला येणार आहे. मिळालेल्या माहितीनुसार 'जब वी मेट 2'ची योजना लवकरच आखली जाणार आहे. 'जब वी मेट 2' बाबत निर्मात्यांकडून अधिकृत घोषणा ही लवकरच होऊ शकते. या चित्रपटामध्ये करीना कपूर खान आणि शाहिद कपूर एकत्र दिसतील की नाही यावर अजूनही काही माहिती समोर आलेली नाही.
'जब वी मेट'चा सीक्वल :'जब वी मेट' या वर्षाच्या सुरुवातीला थिएटरमध्ये पुन्हा प्रदर्शित झाला होता, तेव्हा शाहिद कपूरनं या चित्रपटाच्या सीक्वलबद्दल बोलत सिद्धार्थ कन्ननला सांगितलं होतं, हे खरोखरच त्या स्क्रिप्टच्या गुणवत्तेवर अवलंबून असते, म्हणून जर एखादी स्क्रिप्ट चांगली आहे जी, सीक्वलची मागणी करते आणि ही अशी एक स्क्रिप्ट आहे जी तुम्ही वाचून म्हणाल की ही स्क्रिप्ट चांगली आहे. ही स्क्रिप्ट जर मूळ स्क्रिप्टशी जुळत असेल' तर मी ते करेन, मी फक्त मूळ वस्तूचे ब्रँड मूल्य शोधत आहे जे मी वापरण्याचा प्रयत्न करेल, असं या चित्रपटाबाबत बोलताना शाहिदनं सांगितलं.