मुंबई - Dunki Box Office Collection Day 12 :शाहरुख खान स्टारर 'डंकी' हा चित्रपट बॉक्स ऑफिसवर चांगले कलेक्शन करताना दिसत आहे. 2023 वर्ष शाहरुखसाठी खूप विशेष राहिलं आहे. 'किंग खान'नं या वर्षात बॅक टू बॅक तीन हिट चित्रपट दिले आहे. वर्षाच्या सुरुवातीला त्याचा 'पठाण' हा चित्रपट रुपेरी पडद्यावर रिलीज झाला. या चित्रपटानं जगभरात 1000 कोटीहून अधिक कमाई केली होती. त्यानंतर त्याचा 'जवान' चित्रपट बॉक्स ऑफिसवर रिलीज झाला. या चित्रपटानं बॉक्स ऑफिसवर प्रचंड कमाई केली. दरम्यान 21 डिसेंबर 2023 रोजी शाहरुखचा 'डंकी' चित्रपट रुपेरी पडद्यावर प्रदर्शित झाला. या चित्रपटाला प्रेक्षक चांगला प्रतिसाद देत आहेत. हा चित्रपट बॉक्स ऑफिसवर 'सालार'शी संघर्ष करत आहे. 'डंकी'चं जगभरातील कलेक्शन 400 कोटींच्या पुढं गेलं आहे.
'डंकी' चित्रपटाचं एकूण कलेक्शन :सॅकनिल्कच्या रिपोर्टनुसार, 'डंकी'नं ओपनिंग दिवसाला 29.2 कोटीचं कलेक्शन केलं होतं. यानंतर दुसऱ्या दिवशी 20.12 कोटी, तिसऱ्या दिवशी 25.61 कोटी, चौथा दिवशी 30.7 कोटी, पाचवा दिवशी 24.32 कोटी, सहावा दिवशी 11.56 कोटी, सातव्या दिवशी 10.5 कोटी, आठव्या दिवशी 8.21 कोटी आणि नवव्या दिवशी 7.25 कोटी, दहाव्या दिवशी 9 कोटी आणि अकराव्या दिवशी 12 कोटीची कमाई केली आहे. हा चित्रपट रिलीजच्या बाराव्या दिवसात आहे. रिलीजच्या बाराव्या दिवशी 'डंकी' 2.82 कोटीची कमाई करू शकतो. यासह या चित्रपटाचं एकूण कलेक्शन 191.94 कोटी होईल.
'डंकी'ची एकूण कमाई
पहिला गुरुवार पहिला दिवस - 29.2 कोटी
पहिला शुक्रवार दुसरा दिवस - 20.12 कोटी
पहिला शनिवार तिसरा दिवस - 25.61 कोटी
पहिला रविवार चौथा दिवस - 30.7 कोटी
पहिला सोमवार पाचवा दिवस - 24.32 कोटी