मुंबई Dream girl 2 collection day 13 : बॉलीवूड अभिनेता आयुष्मान खुराना स्टारर 'ड्रीम गर्ल 2' बॉक्स ऑफिसवर चांगली कमाई करत आहे. या चित्रपटामध्ये आयुष्मान खुरानाने दमदार अभिनय करून चाहत्यांची मनं जिंकली आहेत. या चित्रपटाने रिलीजच्या पहिल्या दिवशी 10 कोटी 69 लाखांचा व्यवसाय केला होता. 'ड्रीम गर्ल 2'मध्ये पूजाने पुन्हा एकदा प्रेक्षकांच्या हृदयाची घंटा वाजवली आहे. हा चित्रपट एकता कपूरच्या बालाजी प्रॉडक्शनच्या बॅनरखाली तयार केलेला असून प्रेक्षकांची या चित्रपटाला खूप चांगली दाद मिळत आहे. दरम्यान आता 'जवान' रुपेरी पडद्यावर दाखल होण्यासाठी 1 दिवस उरला आहे. त्यामुळे या चित्रपटाला कमाई करण्यासाठी फक्त काही तास उरले आहेत.
'ड्रीम गर्ल 2'ची एकूण कमाई :आयुष्मान खुराना आणि अनन्या पांडेच्या चित्रपटानं बॉक्स ऑफिसवर दमदार कमाई केली आहे. सॅकनिल्कच्या रिपोर्टनुसार या चित्रपटानं रिलीजच्या बाराव्या दिवशी 3.04 कोटीची कमाई केली आहे. यासह या चित्रपटाचं एकूण कलेक्शन 91.96 कोटी झालं आहे. हा चित्रपट तेराव्या दिवशी 2.45 कोटीची कमाई करू शकतो. यासह या चित्रपटाचे एकूण कलेक्शन 94.45 कोटी होईल. या चित्रपटामध्ये आयुष्मान खुराना आणि अनन्या पांडे यांच्या व्यतिरिक्त परेश रावल, विजय राज, राजपाल यादव, अभिषेक बॅनर्जी, अन्नू कपूर यांनी महत्वपूर्ण भूमिका केल्या आहेत. 'ड्रीम गर्ल 2' ने पहिल्या आठवड्यात 67 कोटीची कमाई केली होती.