मुंबई- ओटीटी स्ट्रीमिंग सर्व्हिस प्राइम व्हिडिओवर ओरिजनल मालिकेमध्ये कॉल मी बे ही मालिका येणार असल्याचा खुलासा अभिनेता वरुण धवनने केली आहे. कॉल मी बे मालिकेत अभिनेत्री अनन्या पांडे मुख्य भूमिकेत दिसणार आहे. बॉलीवूड अभिनेता वरुण धवनने त्याच्या इंस्टाग्राम अकाउंटवर अनन्या या कॉमेडी मालिकेत मुख्य भूमिका साकारणार असल्याची बातमी शेअर केली. वरुणने सोशल मीडियावर पोस्ट केलेला विनोदी व्हिडिओ शेअर करत त्याच्या चाहत्यांना माहिती दिली.
व्हिडिओमध्ये, अभिनेत्री अनन्या पांडे तिच्या आतील फॅशनिस्टाला मिठी मारताना दिसत आहे कारण ती धवनला कॉउचर आणि फॅशनच्या बारीकसारीक मुद्द्यांवर सूचना देते. 'मित्रांनो, प्राइम व्हर्सच्या सर्वात नवीन फॅशनिस्टामध्ये स्वागत आहे. अनन्या पांडेसोबत नवीन मालिका कॉल मी बे सध्या चित्रित होत आहे!' असे वरुण धवनने व्हिडिओला कॅप्शन दिले आहे.
प्रास्ताविक व्हिडिओमध्ये अनन्या पांडे मिरांडा प्रिस्टलीच्या 'द डेव्हिल वेअर्स प्राडा' मधील एकपात्री प्रयोग करताना दिसत आहे. वरुणने अपलोड केलेल्या मजेदार व्हिडिओवर प्रतिक्रिया देताना, चाहत्यांनी त्यांची मते आणि उत्साह शेअर करण्यासाठी कमेंट सेक्शनमध्ये गर्दी केली. नव्या जोडीसाठी, एका सोशल मीडिया युजरने लिहिले, 'सर्वोत्कृष्ट जोडी, अनन्या आणि वरुण धवन.'