मुंबई:जेव्हा कोणी प्रेमात पडतो तेव्हा त्याला वय, धर्म, जात किंवा कोणत्याही सीमा दिसत नाहीत. बॉलीवूडमध्ये अशी अनेक जोडपी आहेत ज्यांनी हे सिद्ध केले आहे की प्रेमाला सीमा नसते. आपण अशाच काही सेलिब्रिटीबद्दल जाणून घेवू ज्यांच्या वयामध्ये धक्कादायक फरक आहे.
दिलीप कुमार आणि सायरा बानो: भारतीय चित्रपटसृष्टीतील दिग्गज अभिनेता, दिलीप कुमार आणि सायरा बानो यांनी 55 वर्षे एकत्र घालवली. दिलीप कुमार यांनी 7 जुलै 2021 रोजी अखेरचा श्वास घेतला. या जोडप्यामध्ये दिवसेंदिवस प्रेम वाढत गेले. हे जोडपे नव्या पिढीसाठी प्रेरणादायी आहेत. सायरा बानो यांनी शेवटच्या दिवसांपर्यंत आजारी दिलीपकुमारची काळजी घेतली. हिंदी चित्रपटसृष्टीतील ट्रॅजेडी किंग दिलीप कुमार यांनी 1966 मध्ये सायरा बानोशी लग्न केले, तेव्हा ते 44 वर्षांचे होते आणि अभिनेत्री फक्त 22 वर्षांची होती. दिलीप कुमार आणि सायरा बानो यांच्या वयात २२ वर्षांचे अंतर होते.
धर्मेंद्र आणि हेमा मालिनी: ज्येष्ठ अभिनेते धर्मेंद्र यांनी प्रकाश कौरशी आधीच लग्न केले होते. त्यानंतर धर्मेंद्र 'तुम हसीन मैं जवान (1970)' च्या सेटवर त्यांची सहकलाकार हेमा मालिनी यांच्या प्रेमात पडले होते. 1979 मध्ये धर्मेंद्र यांनी वयाच्या 13 वर्षांच्या अंतराने लहान असलेली हेमा मालिनीशी लग्न केले. धर्मेंद्र यांनी पहिली पत्नी प्रकाश कौर यांच्यानंतर दुसऱ्या पत्नीशी लग्न करताना इस्लाम धर्म स्वीकारला होता. धर्मेंद्र यांना हेमा मालिनीसोबत ईशा देओल, अहाना देओल या दोन मुली आहेत.
कबीर बेदी आणि परवीन दुसांझ : दिग्गज अभिनेते कबीर बेदी यांनी वयाच्या ६९ व्या वर्षी तीसऱ्यांदा लग्न केले होते. त्यांनी परवीन दुसांझसोबत लग्नगाठ बांधल्यावर सर्वांनाच धक्का बसला. जेव्हा त्यांनी परवीनशी लग्न केले तेव्हा ते 40 वर्षांचा होते. या जोडप्याच्या वयामधील अंतर 29 वर्षांचा आहे. कबीर बेदींनी पहिले लग्न प्रोतिमा गौरीशी केले होते, पण मात्र तिचे निधन झाले.
संजय दत्त आणि मान्यता: सुपरस्टार संजय दत्त आणि मान्यता यांच्या वयात 19 वर्षांचे अंतर आहे, या जोडप्याने 2008 मध्ये लग्न केले होते. सुपरस्टारची पहिली पत्नी, अभिनेत्री रिचा शर्माचे 1996 मध्ये ब्रेन ट्युमरमुळे निधन झाले. त्यांनी 1987 मध्ये त्यांनी लग्न केले होते. त्यानंतर संजूने मॉडेल रिया पिल्लईशी 1998मध्ये लग्न केले. त्यानंतर 2005 मध्ये त्यांचा घटस्फोट झाला. संजय दत्तला त्याच्या पहिल्या पत्नीपासून त्रिशाला आणि मान्यता दत्तपासून जुळी मुले अक्रा आणि शाहरान यांच्यासह 3 मुले आहेत. मान्यता काही चित्रपटांमध्ये आयटम गर्ल रूपेरी पडद्यावर दिसली होती.
शाहिद कपूर आणि मीरा राजपूत: यशस्वी अभिनेता शाहिद कपूरने 7 जुलै 2015 रोजी मीरा राजपूतसोबत लग्न केले, तेव्हा मीरा फक्त 21 वर्षांची होती तर शाहिद कपूर 34 वर्षांचा होता. या जोडप्याच्या वयात 13 वर्षांचा फरक आहे. अनेक अफेअर्सनंतर शाहिद कपूरने दिल्लीतील एका मुलीसोबत लग्न केले आणि आता त्यांना एक मुलगी मीशा आणि एक मुलगा झेन कपूर आहे. करीना कपूर आणि शाहिदचे अफेअर हे बॉलिवूडमधील सर्वात प्रसिद्ध अफेअरपैकी एक होते.
सैफ अली खान आणि करीना कपूर खान: सैफ अली खान आणि करीना कपूर खान यांनी 16 ऑक्टोबर 2012 रोजी वयाच्या 12 वर्षांच्या अंतराने लग्न केले. हे जोडपे तैमूर अली खान आणि जेह अली खानचे पालक आहे. तसेच सैफ अली खानला त्याच्या पहिल्या पत्नीपासून सारा अली खान आणि इब्राहिम अली खान ही दोन मुले आहेत.
मिलिंद सोमण आणि अंकिता कोंवर:मिलिंद सोमण आणि अंकिता कोंवर यांनी 22 एप्रिल 2018 रोजी वयाच्या 25 वर्षांच्या अंतराने लग्न केले. मिलिंदने 2006 मध्ये फ्रेंच अभिनेत्री मायलेन जंपनोईशी पहिल्‍यांदा विवाह केला परंतु नंतर 2009 मध्ये घटस्फोट झाला. मिलिंद सोमण आणि अंकिता कोंवर यांच्या प्रेमविवाहाविषयी एक मनोरंजक गोष्ट म्हणजे मिलिंद सोमण हे त्यांच्या सासूपेक्षा वयाने मोठे आहेत. मिलिंद हा एक फिटनेस आयकॉन आहे.