मुंबई: आलिया भट्ट आणि रणवीर सिंगचा स्टारर चित्रपट 'रॉकी और रानी की प्रेम कहानी' चित्रपटगृहांमध्ये चांगलाच कमाई करत आहे. चित्रपटाची राणी म्हणजेच आलिया भट्टने रणवीर सिंगसह चित्रपट निर्माता करण जोहरसोबतचा एक फोटो सोशल मीडियावर शेअर केला आहे. याशिवाय तिने तिच्या चित्रपटावर प्रेमाचा वर्षाव केल्याबद्दल चाहत्यांचे आभार मानले आहेत. आलिया ही 'रॉकी और रानी की प्रेम कहानी' चित्रपटाच्या संबंधित नवीन नवीन पोस्ट आपल्या चाहत्यांसोबत शेअर करत आहे. आलियाने सोमवारी, पोस्ट शेअर करून कॅप्शनमध्ये लिहिले, 'लव्ह है तो सब है'. माझ्या हृदयाच्या तळापासून तुम्हा सर्वांचे आभार, कृतज्ञता आणि प्रेम नेहमी. रॉकी, रानी आणि या कहानीचे आमचे निर्माता असे तिने तिच्या पोस्टमध्ये लिहले आहे.
फोटोमधील लूक : आलिया आणि रणवीर या फोटोमध्ये पांढऱ्या रंगाच्या ड्रेसमध्ये दिसत आहेत. तसेच करण पिवळ्या टी-शर्टमध्ये दोन्ही स्टार्ससोबत कॅमेरासाठी पोझ देताना दिसत आहे. आलियाच्या या पोस्टवर चित्रपट कलाकारांसह अनेक चाहत्यांनी प्रेमाचा वर्षाव केला आहेत. या पोस्टवर झोया अख्तरने हसरा इमोजीसह स्टार पोस्ट केला आहे. याशिवाय अनेक चाहत्यांनी आलियाचे कौतुक करत या चित्रपटाला 'सर्वोत्तम' असे म्हटले आहे. तसेच एका चाहत्याने या पोस्टवर कमेंट करत लिहले , 'इतका अप्रतिम चित्रपट बनवल्याबद्दल तुमचे अभिनंदन आणि धन्यवाद'. इतर चाहत्यांनी कमेंट बॉक्समध्ये लाल हार्ट इमोजीसह चित्रपटाची तसेच कलाकारांची प्रशंसा केली आहे.