ठाणे -रेल्वे अपघातात आपले दोन्ही पाय गमावलेल्या रुपाली मोरे (वय 14) हिला ठाणे महानगरपालिकेच्या वतीने हक्काचे घर आज (दि. 24) राज्याचे नगरविकास मंत्री एकनाथ शिंदे यांच्याहस्ते तिला नवीन घराची चावी सुपूर्द करण्यात आली.
स्वातंत्रदिनाच्या पूर्वसंध्येला म्हणजेच 14 ऑगस्टला कामानिमित्त घराबाहेर पडलेली रुणाली ही रेल्वेत चढली. मात्र, त्याचवेळी गर्दीचा धक्का लागून ती लोकलच्या खाली पडली. या दुर्घटनेत तिला आपले दोन्ही पाय गमवावे लागले होते. या दुर्घटनेची माहिती मिळताच एकनाथ शिंदे यांनी रुग्णालयात जाऊन तिची भेट घेतली होती. यावेळी त्यांनी तिच्या उपचाराचा पूर्ण खर्च उचलून तिच्यावर खासगी रुग्णालयात उपचार करण्यात आले. यासोबतच शिवसेनेच्या वतीने तिला पुन्हा तिच्या पायावर उभे करण्याचे आश्वासन दिले होते. तसेच तिच्या पुढील शिक्षणाचा खर्चही पक्षाच्या वतीने करण्यात येणार असल्याचे त्यांनी जाहीर केले होते.