MHADA Paper Leak : यापुढे म्हाडा स्वत: परीक्षा घेणार - जितेंद्र आव्हाड

म्हाडा ( MHADA Will Conduct Exam ) स्वतः परीक्षा घेणार आहे. संपूर्ण परिक्षेची जबाबदारी म्हाडा स्वतः घेणार आहे. तसेच परीक्षार्थींकडून घेतलेले शुल्क परत करण्यात येणार असून आगामी परीक्षेचे शुल्क आकारण्यात येणार नाही, अशी माहिती गृहनिर्माण मंत्री डाॅ. जितेंद्र आव्हाड ( Housing Minister Dr. Jitendra Awhad ) यांनी पत्रकार परिषदेत दिली आहे.

ठाणे -खासगी संस्थांकडून परीक्षा घेतल्याने गोपनीयतेचा भंग ( Severance of Privacy ) होण्याचे प्रकार वाढीस लागत आहेत. त्यामुळेच आता म्हाडा ( MHADA Will Conduct Exam ) स्वतः परीक्षा घेणार आहे. संपूर्ण परिक्षेची जबाबदारी म्हाडा स्वतः घेणार आहे. तसेच परीक्षार्थींकडून घेतलेले शुल्क परत करण्यात येणार असून आगामी परीक्षेचे शुल्क आकारण्यात येणार नाही, अशी माहिती गृहनिर्माण मंत्री डाॅ. जितेंद्र आव्हाड ( Housing Minister Dr. Jitendra Awhad ) यांनी पत्रकार परिषदेत दिली आहे. रविवारी म्हाडाच्या परिक्षा घेण्यात येणार होती. मात्र, पेपर फुटण्याची शक्यता असल्याची माहिती म्हाडाला मिळाली असल्याने पोलिसांनी कारवाई करून संशयितांना ताब्यात घेतले आहे. विशेष म्हणजे पेपर फुटण्यापूर्वीच परीक्षा रद्द करण्याचा निर्णय म्हाडाने घेतला आहे.

प्रश्नपत्रिकेबाबत एकाच व्यक्तीला माहिती होती. प्रश्नपत्रिका छपाईला गेल्यावर संबंधित कंपनीने त्या प्रश्नपत्रिका आपल्या ताब्यात ठेऊ नयेत, असे स्पष्ट निकष असतानाही या कंपनीच्या मालकाने ती प्रश्नपत्रिका आपल्या ताब्यात ठेवली. त्याने गोपनीयतेचा भंग केल्याबद्दल गुन्हा दाखल करण्यात आला आहे. या परिक्षेत काही गैरप्रकार होणार असल्याचा संशय आपणाला या आधीच आला होता. त्यामुळेच आपण तीन दिवसांपूर्वीच गैरप्रकार आढळल्यास परीक्षा रद्द करण्याचा इशारा दिला होता. पेपर फोडणाऱ्या काही टोळ्या सध्या कार्यान्वित आहेत. त्या उद्ध्वस्त करण्याची गरज आहे. म्हाडा आणि पोलिसांनी एकत्रितपणे ती प्रक्रिया सुरू केली आहे. त्यामुळे पेपर फुटण्याच्या आधीच आपण परीक्षा रद्द केली आहे. जर पेपर फुटल्यानंतर परीक्षा रद्द करण्याचा निर्णय घेतला असता तर नक्कीच ती नामुष्की ठरली असती. शिवाय अभ्यास करणाऱ्या परीक्षार्थींवर अन्यायकारक ठरले असते. हे रॅकेट उद्ध्वस्त करण्यासाठी महाविकास आघाडी सरकार आणि पोलीस एकाच वेळेस कामाला लागले आणि वशिल्याचे तट्टू म्हाडामध्ये जाण्यापासून रोखण्याचे काम केले आहे, असेही जितेंद्र आव्हाड म्हणाले.

• आव्हाडांनी मागितली माफी

विद्यार्थ्यांप्रती असलेल्या प्रेमापोटी आपण आक्रमक भूमिका घेतली. दोन दिवसांपूर्वीच याच कंपनीने पुणे पोलीस दलाची परीक्षा घेतली होती. त्यामुळे त्यांच्यावर अविश्वास तरी कसा दाखवणार? असा सवाल करून परीक्षा रद्द केल्याबद्दल आपण विद्यार्थ्यांची माफी मागत आहोत. मात्र, ही परीक्षा रद्द करून वशिल्याचे तट्टू बाजूला सारून हुशार आणि मेहनती विद्यार्थ्यांवर अन्याय होणार नाही, याची दक्षताही म्हाडा आणि पोलिसांनी घेतली आहे, असेही जितेंद्र आव्हाड यांनी सांगितले.

• पुण्यात 6 आरोपींना अटक

आरोग्य विभागाच्या परीक्षांचा गोंधळ आणि त्यानंतर पेपर फुटी पराक्रम आणि त्यानंतर पेपर फोडणाऱ्यांवर कारवाई केल्यानंतर आता पुणे सायबर पोलिसांनी आज (रविवारी) होणाऱ्या म्हाडाच्या परीक्षेचा पेपर ( MHADA Paper Leak Case ) फोडणाऱ्या सहा जणांना अटक ( Six People Arrested ) केली आहे. त्यामुळे या आठवड्यात होणाऱ्या म्हाडाच्या सर्व परिक्षा पुढे ढकलण्यात आल्या आहेत. या सर्व आरोपींना 18 तारखेपर्यंत पोलीस कोठडी सुनावण्यात आली आहे, अशी माहिती पोलीस आयुक्त अमिताभ गुप्ता ( Police Commissioner Amitabh Gupta ) यांनी दिली आहे.

• आरोपींकडून अशी करण्यात आली होती तयारी

आरोग्य विभागाच्या क आणि ड वर्गाच्या पदाच्या परीक्षांच्या पेपर फुटीच्या तपासासाठी सायबर पोलीस स्टेशन, पुणे शहर येथे दाखल असलेल्या गुन्ह्याच्या तपासामध्ये असताना आज होणाऱ्या म्हाडाच्या परीक्षेचे पेपर फोडण्याचे प्रयत्न सुरू होते. त्यामध्ये गुंतलेल्या संशयीतांबाबत पुणे शहर पोलीसांना गोपनीय माहिती प्राप्त झाली होती. त्यानुसार मिळालेल्या माहितीच्या आधारे सायबर क्राइम विभागाकडील पथके तयार करून त्यांना औरंगाबाद, जालना, बीड, पुणे, ठाणे परिसरामध्ये संशयिताना ताब्यात घेण्याची कार्यवाही सुरू करण्यात आली. त्यांनतर औरंगाबाद परिसरातील संपर्क साधून त्यांच्याकडून आर्थिक फायदा मिळवून त्यांना परीक्षेच्या पूर्वी पेपर फोडून त्यांना देण्याची योजना टार्गेट करिअर पॉईंट या संस्थेचे संचालक अजय चव्हाण आणि सक्षम अकॅडेमीचे संचालक कृष्णा जाधव आणि इतर यांनी आखल्याची माहिती प्राप्त झाली होती. तसेच सध्या पुण्यामध्ये राहणारे संतोष हरकळ आणि अंकुश हरकळ यांनी म्हाडाच्या परीक्षेसाठी बसणाऱ्या परीक्षार्थीना पेपर देण्याची तयारी दर्शवली होती.

हेही वाचा -MHADA Paper Leak Case : पेपर फोडणाऱ्या 6 आरोपींना अटक; 18 तारखेपर्यंत पोलीस कोठडी