महागड्या स्पोर्ट्स सायकली चोरी करणाऱ्यास अटक; विजापूर नाका पोलिसांची कारवाई

विजापूर नाका पोलीस ठाण्याच्या हद्दीत महागड्या स्पोर्ट्स सायकली चोरी करणाऱ्या संशयीत चोरट्यास पोलिसांनी जेरबंद केले आहे. सनी मल्लू पुजारी ( वय 25 वर्षे, रा. सेटलमेंट फ्री कॉलनी नं-1 सोलापूर), असे अटक केलेल्या संशयीताचे नाव आहे. त्याच्याकडून 1 लाख 20 हजारांच्या सायकली जप्त करण्यात आल्या आहेत, अशी माहिती सहायक पोलीस आयुक्त माधव रेड्डी यांनी दिली.

सोलापूर- विजापूर नाका पोलीस ठाण्याच्या हद्दीत महागड्या स्पोर्ट्स सायकली चोरी करणाऱ्या संशयीत चोरट्यास पोलिसांनी जेरबंद केले आहे. सनी मल्लू पुजारी ( वय 25 वर्षे, रा. सेटलमेंट फ्री कॉलनी नं-1 सोलापूर), असे अटक केलेल्या संशयीताचे नाव आहे. त्याच्याकडून 1 लाख 20 हजारांच्या सायकली जप्त करण्यात आल्या आहेत, अशी माहिती सहायक पोलीस आयुक्त माधव रेड्डी यांनी दिली.

विजापूर नाका पोलीस ठाण्याच्या हद्दीत महागड्या सायकलींची चोरी होत होती. त्या अनुषंगाने तपास करताना गुप्त बातमीदारामार्फत पोलिसांना माहिती मिळाली, मोटार सायकल व सायकल चोरी करणारी एक व्यक्ती इंदिरागांधी नगर येथील पोस्ट ऑफीसजवळ येणार आहे. याबाबत खात्रीशीर माहिती मिळाल्याने पोलिसांनी त्या ठिकाणी पोलीस उपनिरीक्षक मुरकुटे व डी.बी. पथकाने सापळा लावला. सनी मल्लू पुजारी यास अटक केले.

विजापूर नाका पोलीस ठाणे येथील गुन्हे अभिलेखाची तपासणी केली असता विजापूर नाका पोलीस ठाण्यात भा.दं.वि.चे कलम 379 प्रमाणे चोरीचा गुन्हा दाखल होता. त्याच्याकडे अधिक तपास केला असता त्याने सोलापूर शहरातून महागड्या स्पोर्टस सायकली चोरी केल्याचे तपासात निष्पन्न झाले आहे. त्या सायकली जप्त करण्यात आल्या आहेत. त्याच्या ताब्यातून चोरीची मोटारसायकल व स्पोर्ट्स सायकली, असा एकूण 1, लाख 20 हजार रुपयांचा मुद्देमाल हस्तगत करण्यात आला आहे.

हेही वाचा -NCP Protest : राष्ट्रवादीकडून भोंग्यावर राष्ट्रगीत वाजवून मोहित कंबोज यांचा निषेध