पुण्यात थरार, पूर्ववैमनस्यातून डोक्यात पालगनचे वार करुन एकाचा खून

कोंढव्यातील नवाजीश पार्क येथे बबलू इब्राहिम सय्यद आणि आरोपी सैफ फरीद सय्यद, तौसिफ फरीद सय्यद आणि त्यांचे दोन मित्र यांच्यात पूर्ववैमनस्यातून भांडणे झाली. यावेळी आरोपींनी बबलू सय्यद यांच्या डोक्यात आणि इतर ठिकाणी पालगनने वार केले. या हल्ल्यात बबलू यांचा मृत्यू झाल्याने खळबळ उडाली आहे.

पुणे- कोंढवा परिसरातील रस्त्यावर भरदिवसा पालगनने डोक्यात वार करून एकाचा खून करण्यात आला. सोमवारी सायंकाळी ही घटना घडली. बबलू इब्राहिम सय्यद (वय 46 ) असे खून झालेल्या व्यक्तीचे नाव आहे. कोंढवा पोलिसांनी याप्रकरणी गुन्हा दाखल केला असून आरोपींचा शोध सुरू आहे.

पोलिसांनी दिलेल्या माहितीनुसार, कोंढव्यातील नवाजीश पार्क येथे मृत बबलू इब्राहिम सय्यद आणि आरोपी सैफ फरीद सय्यद, तौसिफ फरीद सय्यद आणि त्यांचे दोन मित्र यांच्यात पूर्ववैमनस्यातून भांडणे झाली. यावेळी आरोपींनी बबलू सय्यद यांच्या डोक्यात आणि इतर ठिकाणी पालगनने वार केले.

यामध्ये रक्ताच्या थारोळ्यात पडलेल्या बबलू यांना रुग्णालयात दाखल करण्यात आले. परंतु उपचाराआधीच त्यांचा मृत्यू झाला. हल्ला करून आरोपींनी घटनास्थळावरून पळ काढला आहे. पोलिसांनी याप्रकरणी गुन्हा दाखल केला असून आरोपींचा शोध सुरू आहे.