Pune Accident : दुचाकीस अज्ञात वाहनाची धडक; युवतीचा जागीच मृत्यू

खरेदी करून हे दोघे बहीण भाऊ पुणे सोलापूर राष्ट्रीय महामार्गावरून मलठणला घरी जात असताना त्यांना वाहनाने (Pune Accident) धडक दिली . या अपघातात युवतीचा जागीच मृत्यू झाला. तर युवतीचा भाऊ हा जखमी झाला आहे.

दौंड -पुणे -सोलापूर राष्ट्रीय महामार्गावर कौठीच्या मळ्यानजीक दुचाकीवरून घरी जात असलेल्या बहिण -भावास अज्ञात वाहनाने धडक दिली.या अपघातात बहिणीचा जागीच मृत्यू झाला. तर भाऊ किरकोळ जखमी झाला आहे. बुधवारी (दि.१९) सायंकाळी साडेसहा वाजण्याच्या दरम्यान हा अपघात घडला आहे. या अपघातातील अज्ञात शोध पोलीस घेत आहेत .

या अपघातात दौंड तालुक्यातील मलठण येथील प्रतिक्षा सदाशिव कांबळे या युवतीचा मृत्यू झाला . शुभम सदाशिव कांबळे असे या अपघातात जखमी झालेल्या युवकाचे नाव आहे. या अपघातानंतर सहाय्यक पोलीस निरीक्षक केशव वाबळे , सुनील बगाडे , अजित इंगोले , समीर भालेराव , घनशाम चव्हाण, रमेश चव्हाण यांसह पोलीस कर्मचाऱ्यांनी घटनास्थळी भेट दिली .

असा घडला अपघात
मुलीचा विवाह काही दिवसांवर येऊन ठेपल्याने दोघे बहीण - भाऊ हडपसर येथे साड्या आणि शालू खरेदी करण्यासाठी गेले होते . खरेदी करून हे दोघे बहीण भाऊ पुणे सोलापूर राष्ट्रीय महामार्गावरून मलठणला घरी जात असताना त्यांना वाहनाने धडक दिली . या अपघातात युवतीचा जागीच मृत्यू झाला .युवतीचा विवाह अवघ्या काही दिवसांवर येऊन ठेपला असताना युवतीचा अपघातात दुर्दैवी मृत्यू झाल्याने नागरिकांतून हळहळ व्यक्त केली जात आहे .अज्ञात हायवा वाहनाचा शोध पोलीस घेत आहेत.

हेही वाचा -Heroin Seized Mumbai : मुंबईत 2 कोटी 7 लाख किमतीचा हेरॉईन ड्रग्सचा साठा जप्त, दोघांना अटक