पुणे - गेल्या अनेक वर्षांपासून बैलगाडा शर्यतीवर बंदी आहे. यामुळे गावांतील जत्रांमधील आनंद हरपून गेला होता. मात्र, आंबेगाव तालुक्यातील साकोरे गावात तरुणांनी स्वत: बैल बनून बैलगाडा शर्यतीचे आयोजन केले होते. यामध्ये लहान मुले आणि तरुणांनी उस्फूर्त सहभाग नोंदवला होता.
साकोरे गावाच्या जत्रेत तरुणांची बैलगाडा शर्यत
साकोरे गावात म्हस्कोबा महाराज उत्सवानिमित्त पंचरत्न युवा मंचाच्यावतीने तरुणांच्या बैलगाडा शर्यतीचे आयोजन करण्यात आले होते. या शर्यतीत तरुणांचे ३५ गाडे धावले. या शर्यतीमध्ये बैलांप्रमाणे तरुणांनी शर्यत केली. त्यामुळे बैलगाडा शर्यतीवर बंदी असताना अशाप्रकारे आयोजित केलेल्या या शर्यतीची सर्वत्र चर्चा चालू आहे.