पुणे -सिद्धू मुसेवाला खून प्रकरणात पुण्यातील सौरव महाकाल उर्फ सिद्धेश कांबळे याचे कनेक्शन असल्याचे पुढे आले होते. महाकालला पुणे पोलिसांनी मोक्कोच्या गुन्ह्यात अटक केली आहे. मुंबई गुन्हे शाखेने त्याची चौकशी केल्यानंतर पंजाब पोलिसांनीही सौरव महाकालची चौकशी केली आहे. यात अनेक धक्कादायक बाबी पुढे येण्याची शक्यता वर्तवण्यात येत आहे.
पंजाब पोलिसांचे अधिकारी पुण्यात -सिद्धू मुसेवाला हत्या प्रकरणात तपासाला वेग आला आहे. मुसेवाला प्रकरणात पंजाब पोलीस पुण्यातून माहिती घेवून पंजाबला रवाना झाले आहेत. सौरव महाकाल उर्फ सिद्धेश कांबळेच्या अटकेची माहिती मिळाल्यानंतर पंजाब पोलिसांचे अधिकारी पुण्यात आले होते. सौरव महाकाल उर्फ सिद्धेश कांबळे हा लॉरेन्स बिश्नोई टोळीच्या संपर्कात आहे का? याचा पंजाब पोलिसांकडून तपास करण्यात आला आहे.