पुणे -येरवडा मध्यवर्ती कारागृह येथील कैद्यांच्या माध्यमातून विविध वस्तू बनवण्यात येतात आणि ते विक्री देखील केल्या जातात. यंदा मात्र प्रथमच कैद्यांच्या माध्यमातून गणेशोत्सवाच्या निमित्ताने बाप्पाच्या मूर्ती बनविण्यात आल्या आहेत. Ganpati made by inmates of Yerawada Central Jail नाशिक मध्यवर्ती कारागृह येथे गणपती मूर्ती बनविल्या जातात. नाशिक येथील मध्यवर्ती कारागृह येथील दोन कैद्यांना येरवडा मध्यवर्ती कारागृहात एप्रिल महिन्यात आणून येथील कैद्यांना प्रशिक्षण देण्यात आले आहे. आणि त्यानंतर या कैद्यांच्या माध्यमातून मे महिन्यापासून या मुर्त्या बनवण्यात आल्या असून तब्बल 15 कैद्यांनी यंदा पर्यावरण पूरक शाळूच्या 250 हून अधिक मुर्त्या बनविल्या आहे, अशी माहिती येरवडा मध्यवर्ती कारागृहाच्या पोलीस अधीक्षक राणी भोसले यांनी दिली ईटीव्ही भारतशी बोलताना दिली आहे.
विविध गणेश मूर्तीचे प्रतिकृती यंदा जे कैद्यांच्या माध्यमातून मुर्त्या बनवण्यात आल्या आहेत. त्यात बाल गणेश, श्रीमंत दगडूशेठ हलवाई गणपती, लालबागचा राजा, फेटावाला गणेशोत्सव अश्या विविध गणेश मूर्ती बनविण्यात आल्या आहेत. Ganesh Idol Made By Prisoners विशेष म्हणजे पर्यावरणाचा संदेश देण्यासाठी या सर्व मुर्त्या या शाळूच्या मूर्तीपासून बनवण्यात आल्या आहेत. आणि याच्या किंमती देखील 500 रुपयांपासून ते 15 हजार रुपयांपर्यंत आहे. असे देखील यावेळी भोसले यांनी सांगितले.