पिंपरी-चिंचवडमध्ये नूतन वर्षाच स्वागत वाहन तोडफोडीने; 13 जण ताब्यात

चवड मोहन नगर येथे काही तरुण एकत्र येऊन न्यू इयरच सेलिब्रेशन करण्यासाठी एकत्र आले होते. तेव्हा, मद्यपान केल्यानंतर त्यांच्यात किरकोळ कारणावरून वाद झाला. यातून आरोपींनी रस्त्यालगत पार्क केलेल्या चारचाकी आणि रिक्षाची कोयत्याने तोडफोड केली आहे.

पुणे- पिंपरी-चिंचवड शहरात नूतन वर्षाचे स्वागत वाहन तोडफोडीच्या सत्राने झाले आहे. शहरातील मोहन नगर येथे दोन गटात झालेल्या किरकोळ वादातून कोयत्याने सहा वाहनांची तोडफोड केल्याची घटना घडली आहे. या प्रकरणी पिंपरी पोलिसांनी 13 जणांना ताब्यात घेतले आहे. मात्र, नूतन वर्षाची सुरुवातच वाहनांच्या तोडफोडीच्या सत्राने झाल्याने नागरिकांमध्ये नाराजी आणि संताप व्यक्त केला जात आहे.

न्यू इयरच सेलिब्रेशन वाहनांची तोडफोड करून?पोलिसांनी दिलेल्या माहितीनुसार, चिंचवड मोहन नगर येथे काही तरुण एकत्र येऊन न्यू इयरच सेलिब्रेशन करण्यासाठी एकत्र आले होते. तेव्हा, मद्यपान केल्यानंतर त्यांच्यात किरकोळ कारणावरून वाद झाला. यातून आरोपींनी रस्त्यालगत पार्क केलेल्या चारचाकी आणि रिक्षाची कोयत्याने तोडफोड केली आहे. रात्री साडेबाराच्या सुमारास घडली घटनाशहरात रात्री ११ नंतर संचारबंदी असतानाही मध्यरात्री साडेबाराच्या सुमारास मोहन नगर चिंचवड येथे घडली आहे. याप्रकरणी पिंपरी पोलिसांनी 13 जणांना ताब्यात घेतले असून इतरांचा शोध पोलीस घेत आहेत. अशी माहिती वरिष्ठ पोलीस निरीक्षक मिलिंद वाघमारे यांनी दिली आहे. तोडफोड करणारे आरोपी हे सराईत गुन्हेगारतोडफोड करणाऱ्यापैकी काही जण हे सराईत गुन्हेगार असून तडीपार ची कारवाई करण्यात आलेल्या आरोपींचा सहभाग आहे, अशी महिती समोर येत आहे. मात्र, ऐन नूतन वर्षाच्या काही मिनिटांमध्ये तोडफोड झाल्याने नागरिकांमध्ये नाराजी आहे.