पणजी- उत्तर गोव्यातील शिवोली-चोपडे पुलावार एका गाडीने चुकीच्या बाजूने येत समोरून येणाऱ्या वाहनाला धडक दिल्याने भीषण अपघात झाला. या अपघातात मोरजी (ता. पेडणे) येथील पिता-पूत्र जागीच ठार झाले आहेत. तर चौघेजण गंभीर जखमी झाले आहेत. त्यानंतर संतप्त जमावाने अपघातास कारणीभूत वाहन पेटवून दिले.
उत्तर गोव्यातील सर्वाधिक रहदारी असलेल्या शिवोली-चोपडे या पुलावर आज सकाळी पावणे सातच्या सुमारास हा आपघात घडला. मोरजीच्या दिशेने जाणाऱ्या आणि महाराष्ट्रात नोंदणी असलेला गाडी चालक समोरील वाहनाला मागे टाकण्याचा प्रयत्न करत होता. याचवेळी चालकाने मोरजी-विठ्ठलदासवाडा येथून शिवोलीच्या दिशेने येणाऱ्या गाडीला जोरदार धडक दिली. ही धडक एवढी मोठी होती की, आवाजाने परिसरातील लोक धावून घटनास्थळी दाखल झाले. अपघात घडल्यानंतर वाहनातील सर्व प्रवाशांनी घटनास्थळावरुन पळ काढला.
शिवोली पुलावर दोन वाहनांच्या भीषण अपघातात पिता-पूत्र जागीच ठार झाले