पणजी -गोव्यातील रस्त्यावर रात्रीच्या वेळी दारू पिऊन गाडी चालविण्याचे आढळल्यास आता थेट सहा महिन्याची तुरुंगवास व दहा हजाराचा दंड भरावा लागणार आहे याविषयीची माहिती गोवा पोलिसांनी सोमवारी दिली. मुख्यमंत्री प्रमोद सावंत यांनी ही ड्रिंक आणि ड्राईव्ह करणाऱ्यांवर कडक कारवाई करण्याचे आदेश दिले आहेत.
राज्यात दारू पिऊन गाडी चालवल्यास दहा हजाराचा दंड व सहा महिन्याची कैद
दारू पिऊन गाडी चालवल्यामुळे अपघातात वाढ -राज्यात मागच्या अनेक दिवसांपासून रात्रीच्या वेळी ड्रिंक अँड ड्राईव्हच्या केसेसमुळे अपघातात वाढ झाली आहे. याचे परिणाम पर्यटकांसोबत स्थानीक नागरिकांनाही भोगावे लागत आहेत. त्यामुळे अशा घटना टाळण्यासाठी रात्रीच्या वेळी पोलिसांची पथके तैनात करण्यात येणार असून अशा प्रकारे दारू पिऊन गाडी चालवताना आढळल्यास थेट दहा हजाराचा दंड किंवा सहा महिन्याची काय या प्रकारच्या शिक्षा होणार आहेत.