नाशिक - सातपूर औद्योगिक वसाहतीमध्ये घंटागाडी अंगावरून गेल्याने 20 वर्षीय युवती ठार झाल्याची घटना आज सकाळी सातच्या सुमारास घडली. नादुरुस्त ट्रॉली 'टो' करून नेत असताना हा झाला अपघात झाला आहे.
नाशिक - घंटागाडी अंगावरून गेल्याने 20 वर्षांच्या मुलीचा मृत्यू मित्रासोबत जॉगिंगसाठी घराबाहेर पडलेल्या 20 वर्षीय रोशनी जयस्वाल या मुलीच्या अंगावरून घंटागाडी गेल्याने तिचा मृत्यू झाला. संबंधित घटना गुरुवारी सकाळच्या सुमारास घडली आहे. सातपूर भागातील ग्लॅन मार्क कंपनी गेट जवळ हा अपघात झाला आहे. सकाळी सात वाजेच्या सुमारास रोशनी जयस्वाल ही आपल्या मित्रांसोबत जॉगिंगला गेली होती. यावेळी जवळून जात असलेल्या घंटागाडीला नादुरुस्त ट्रॉली टो लावून नेण्याचे काम सुरू होते. मात्र चालकाचा ताबा सुटल्याने कचरा ट्रॉली रोशनी आणि तिच्या मित्राच्या अंगावरून गेली. यात रोशनीच्या डोक्याला जबर मार लागला. तसेच तिच्या मित्राला देखील दुखापत झाल्याने उपस्थितांनी त्यांना जिल्हा शासकीय रुग्णालयात दाखल केले. मात्र उपचारा दरम्यान रोशनीचा मृत्यू झाला.
घंटागाडी अंगावरून गेल्याने 20 वर्षांच्या मुलीचा मृत्यू दोघे संशयित सातपूर पोलिसांच्या ताब्यातदरम्यान घटनेची माहिती मिळताच सातपूर पोलिसांनी घटनास्थळी धाव घेत पंचनामा केला. तसेच घंटागाडी चालक आणि इतर एका संशयिताला ताब्यात घेतल्याचे सातपूर पोलीस स्टेशनचे वरिष्ठ पोलीस निरीक्षक राकेश हांडे यांनी सांगितले.
