नाशिक -साखर कारखान्यांच्या बाबतीत कुठलाही भ्रष्टाचार झालेला नाही. काही बाबतीत अनियमितता झाली, असे स्पष्टीकरण राज्याचे उपमुख्यमंत्री अजित पवार यांनी दिले ( No Corruption Sugar Mills Say Ajit Pawar ) आहे.
नाशिकरोड देवळाली व्यापारी सहकारी बँकेच्या अंबड शाखेचा लोकार्पण सोहळा अजित पवार आणि पालकमंत्री छगन भुजबळ यांच्या हस्ते पार पडला. त्यावेळी ते बोलत होते.
कारखाने चालवणं हे काही येड्यागबाळ्याचं काम नाही - महाराष्ट्रातील बंद पडलेले साखर कारखाने काही जण चालवायला घेतात. काही जण आरोप करतात की हेच कसे चालवतात. विशेष म्हणजे आजही १२ कारखाने राज्य सहकारी बँकेला चालवायला द्यायचे आहे, ज्याच्यात धमक असेल त्याने घ्यावा. काही जण म्हणतात की, ठराविक लोकांची मक्तेदारी आहे. आम्हा काही लोकांच्या बदनाम्या व्हायच्या त्या झाल्या. वेगवेगळ्या पद्धतीने एसीबी, सीआयडीच्या चौकश्या झाल्या. कुठलाही भ्रष्टाचार झालेला नाही काही बाबतीत अनियमितता झाली असेल. पण, कारखाने चालवणे हे काही येड्यागबाळ्याचे काम नाही, असेही अजित पवारांनी म्हटले आहे.