मुंबई- येत्या विधानसभा निवणुकांच्या पार्श्वभूमीवर पक्षांतराच्या घडामोडींना वेग आला आहे. राष्ट्रवादी काँग्रेसमधील दिंडोरी मतदारसंघाचे माजी आमदार धनराज महाले तसेच दिलीप राऊत यांनी पक्षाला सोडचिट्ठी देत शिवसेनेत प्रवेश केला आहे. महाले यांनी 'मातोश्री'वर जाऊन पक्षप्रमुख उध्दव ठाकरे यांच्या हस्ते शिवबंधन बांधले. या दोघांच्या प्रवेशामुळे नाशिकमाधील दिंडोरीत शिवसेनेची ताकद वाढली आहे.
लोकसभा निवडणुकीपूर्वी धनराज महाले यांनी शिवसेनेतून राष्ट्रवादीत प्रवेश करत दिंडोरी लोकसभा मतदारसंघातून उमेदवारी मिळवली होती. यामुळे खासदार भारती पवार यांनी निवडणुकीपूर्वी भाजपमध्ये प्रवेश केला. मात्र, धनराज महाले यांना लोकसभा निवडणुकीत भारती पवार यांच्याकडून दारुण पराभव पत्करावा लागला होता. आता विधानसभा निवडणुकीपूर्वीच त्यांनी पुन्हा शिवसेनेत प्रवेश केल्याने दिंडोरीतील ही घरवापसी शिवसेनेसाठी फायदेशीर ठरणार आहे.