नाशिक- कोरानाच्या वाढत्या रुग्ण संख्येमुळे भयभीत झालेल्या नाशिक शहरातील व्यापाऱ्यांनी पुढील आठ दिवस मुख्य बाजारपेठ बंद ठेवण्याचा निर्णय घेतला आहे. नाशिक मेनरोड, शिवाजी रोड या भागात दीड ते दोन हजार दुकाने असून ही सर्व दुकाने या निर्णयामुळे बंद असणार आहेत.
नाशिकमध्ये गेल्या आठ दिवसांमध्ये कोरोनाबाधितांची संख्या झपाट्याने वाढली आहे. शहरातील कोरोनाबाधितांच्या आकड्याने हजारी पार केल्याने नाशिककर चांगलेच भयभीत झाले आहेत. विशेष म्हणजे नाशिक शहरातील भद्रकाली, जुने नाशिक, मेन रोड, पंचवटी या मुख्य परिसरामध्ये कोरोनाबाधितांची संख्या दिवसेंदिवस वाढत आहे. याच वाढत्या संख्येमुळे भयभीत झालेल्या व्यापाऱ्यांनी नाशिक शहरातील शिवाजी रोड, मेन रोड ही मुख्य बाजारपेठ पुढील आठ दिवस बंद ठेवण्याचा निर्णय घेतला आहे.
कोरोना प्रादुर्भाव टाळण्यासाठी पुढील 8 दिवस नाशिकमधील मुख्य बाजारपेठ बंद