नागपूर -राज्यात सध्या संजय राऊत आणि किरीट सोमैया ( Sanjay Raut Vs Kirit Somaiya ) यांच्यात आरोप प्रत्यारोप बघायला मिळत आहे. यावरून देवेंद्र फडणवीस यांनी ( Devendra Fadnavis ) सोमैयांची वकिली करू नये, असा टोला संजय राऊत ( Sanjay Raut Alligation On Kirit Somaiya ) यांनी लगावला होता. त्याला सुधीर मुंनगटीवर ( Sudhir Mungatiwar Reply To Sanjay Raut ) यांनी उत्तर दिले आहे. देवेंद्र फडणवीस हे जनतेतून निवडून आले आहेत, त्यामुळे त्यांना सल्ला देण्याची गरज नाही, असे मुंनगटीवार म्हणाले.
काय म्हणाले सुधीर मुंनगटीवार - देवेंद्र फडणवीस हे जनतेतून निवडून आले आहेत. त्यांची बॅकडोर एंट्री नाही. ते जनतेच्या आशीर्वादाने निवडून आले आहेत. त्यामुळे फडणवीसांना कोणीही सल्ला देऊ नये, असा टोला त्यांनी संजय राऊत यांना लगावला आहे. तसेच कोण हिंदुत्ववादी आणि कोण हिंदुत्वाच्या विरोधात आहे, देशावर प्रेम करणारे आहे हे सांगण्यासाठी देवेंद्र फडणीस यांना सल्ला किंवा सर्टिफिकेट देण्याची आवश्यकता नाही, असा पलटवारही त्यांनी केला.