नागपूरमध्ये आढळले कोरोनाचे 5 नवे स्ट्रेन

नागपुरात कोरोनाचा प्रादुर्भाव दिवसेंदिवस वाढत आहे. कोरोना रुग्णांच्या संख्येत झपाट्याने वाढ होत आहे. कोरोना परिस्थिती बिकट असताना नागपूरमधून आणखी एक धक्कादायक बातमी समोर आली आहे, ती म्हणजे नागपुरात कोरोनाचे 5 नवीन स्ट्रेन सापडले आहेत. दिल्लीहून प्राप्त झालेल्या अहवालानुसार 35 नमुन्यांमध्ये हे नवीन स्ट्रेन आढळून आले आहेत. सर्दी, खोकला, ताप अशी या नव्या स्ट्रेनची प्रमुख लक्षणे आहेत.

नागपूर - नागपुरात कोरोनाचा प्रादुर्भाव दिवसेंदिवस वाढत आहे. कोरोना रुग्णांच्या संख्येत झपाट्याने वाढ होत आहे. कोरोना परिस्थिती बिकट असताना नागपूरमधून आणखी एक धक्कादायक बातमी समोर आली आहे, ती म्हणजे नागपुरात कोरोनाचे 5 नवीन स्ट्रेन सापडले आहेत. दिल्लीहून प्राप्त झालेल्या अहवालानुसार 35 नमुन्यांमध्ये हे नवीन स्ट्रेन आढळून आले आहेत. सर्दी, खोकला, ताप अशी या नव्या स्ट्रेनची प्रमुख लक्षणे आहेत.

नागपूरच्या इंदिरा गांधी मेडिकल कॉलेज आणि नागपूर मेडिकल कॉलेज तथा शासकीय विद्यालयात आलेल्या संशयित रुग्णाचे हे नमुने एनायव्ही आणि दिल्लीच्या एनसिडीसीला पाठवण्यात आले होते. याचा अहवाल आला असून, यामध्ये 74 पैकी 35 नमुन्यांमध्ये 5 वेगवेगळ्या प्रकारचे म्युटेशन असल्याचे समोर आले आहे. यातील 26 नमुन्यांमध्ये डबल म्युटेशन असल्याचे इंदिरा गांधी मेडिकल कॉलेजचे सूक्ष्म जीवशास्त्र विभागाचे सहयोगी प्राध्यापक डॉ. रवींद्र खडसे यांनी म्हटले आहे.

नवीन स्ट्रेन अधिक घातक

यात डबल म्युटेशन म्हणजे एकाच जीन्समध्ये दोन पद्धतीने बदल झालेले आहेत. हे मानवासाठी अधिक घातक ठरू शकतात कारण जर पूर्वी एखाद्याला कोरोना झाला असेल, आणि त्याने कोरोनावर मात केल्यास त्याच्यामध्ये रोग प्रतिकार शक्ती निर्माण होते. मात्र नवीन म्युटेशमध्ये या रोग प्रतिकार शक्तीचा फायदा होत नसल्याने, पुन्हा कोरोना होण्याची शक्यता आहे. तसेच लसीकरण झाल्यानंतरही काहींना कोरोनाची लागण झाली असल्याने, आता त्यांचेही नमुने तपासणीसाठी पाठवण्यात येणार आहे. नवीन म्युटेशनमध्ये काही जणांना सर्दी खोकल्याचा त्रास जाणवला आहे, तर काहींना अतिसाराचा त्रास देखील होत असल्याचे समोर आले आहे.

हेही वाचा -जोरदार वादळात घराच्या पत्रांसोबत पाळण्यातील बाळही ७० फुट उंच उडाले, अखेर मृत्यू