नागपूर- येथे 4 वर्षीय चिमुकलीवर लैंगिक अत्याचार करण्याचा प्रयत्न करत असलेल्या एका 35 वर्षीय आरोपीला नागरिकांनी चांगलाच चोप दिला आहे. नागरिकांनी आरोपीची विवस्त्र धिंड काढल्याचा एक व्हिडिओ सोशल मीडियावर व्हायरल झाला आहे.
हैदराबाद येथील लैंगिक अत्याचाराची संतापजनक घटना ताजी असताना नागपूर शहरातील पारडी भागात एका नराधमाने 4 वर्षीय चिमुकलीसोबत अश्लील चाळे करत बलात्काराचा प्रयत्न केल्याची खळबळजनक घटना घडली आहे. ही घटना पीडित चिमुकलीच्या आईच्या लक्षात आल्यानंतर त्यांनी आरडा-ओरड केल्याने अनुचित घटना टळली आहे. त्यानंतर परिसरातील नागरिकांनी आरोपीला चोप देऊन त्याची विवस्त्र धिंड काढली. पोलिसांनी आरोपीला ताब्यात घेऊन कारवाई केली आहे. आरोपीला विवस्त्र करून त्याची धिंड काढल्याचा एक व्हिडिओ चांगलाच व्हायरल होत आहे.