मुंबई : देशभरात गेले अडीच वर्षे कोरोना विषाणूचा प्रसार आहे. काही देशांत आजही कोरोनाचा प्रसार आहे. भारतात मात्र त्याचा प्रसार काही प्रमाणात कमी झाला आहे. असे असताना मध्य आणि पश्चिम आफ्रिकेत आढळून येणाऱ्या मंकी पॉक्स या विषाणूचा काही देशात प्रसार ( The growing effect of the Monkey Pax virus ) होत असल्याचे समोर आले आहे. यासाठी मुंबई महापालिका सतर्क झाली असून, विमानतळावर स्क्रिनिंग सुरू केले ( Screening begins at the airport ) आहे, अशी माहिती आरोग्य विभागाकडून देण्यात आली आहे.
काय आहे मंकी पॉक्स आजार : मंकी पॉक्स हा एक विषाणूजन्य झुनोटिक रोग आहे. जो प्रामुख्याने मध्य आणि पश्चिम आफ्रिकेतील उष्णकटिबंधीय पर्जन्यवन भागात होतो. कधी कधी इतर देशांमध्येही याचा प्रसार होतो. मंकीपॉक्स सामान्यत: वैद्यकीयदृष्ट्या ताप, पुरळ आणि सुजलेल्या लिम्फ नोड्ससह प्रकट होतो. त्यामुळे अनेक वैद्यकीय गुंतागुंत होऊ शकतात. हा सामान्यतः एक स्वयं-मर्यादित आजार असून, ज्याची लक्षणे 2 ते 4 आठवडे टिकतात. या विषाणूमुळे मृत्युदर 1-10 टक्केपर्यंत वाढू शकतो.
हा विषाणू या देशांत आढळून आला : आजही या विषाणूचे रुग्ण ऑस्ट्रेलिया, बेल्जियम, कॅनडा, जर्मनी, फ्रान्स, इटली, पोर्तुगाल, स्पेन, स्वीडन, यू.के., यू.एस.ए. मंकीपॉक्स स्थानिक देशांत आहेत. बेनिन, कॅमेरून, मध्य आफ्रिकन रिपब्लिक, डेमोक्रॅटिक रिपब्लिक ऑफ कांगो, गॅबन, गहाना (फक्त प्राण्यांमध्ये ओळखले जाते), आयव्हरी कोस्ट, लायबेरिया, नायजेरिया, काँगोचे प्रजासत्ताक, सिएरा लिओन आणि दक्षिण सुदान आदी देशांत आढळून येतात.
पालिकेचा आरोग्य विभाग सज्ज : मंकी पॉक्स विषाणूचा प्रसार होऊ नये म्हणून मुंबई विमानतळावर परदेशातून येणाऱ्या प्रवाशांची स्क्रिनिंग करीत आहेत. कस्तुरबा रुग्णालयात संशयित रुग्णांच्या विलगीकरणासाठी स्वतंत्र वॉर्ड, तयार करण्यात आला आहे. वॉर्ड क्रमांक 30 मध्ये 28 खाटा सज्ज ठेवण्यात आल्या आहेत. परदेशी प्रवाशांचे चाचणी नमुने एनआयव्ही पुणे प्रयोगशाळेत पाठवले जातील. कोणतीही संशयित प्रकरणे आढळून आल्यास मुंबईतील सर्व आरोग्य संस्थांनी कस्तुरबा हॉस्पिटलला कळवावीत, असे आवाहन पालिकेच्या आरोग्य विभागाने केले आहे.