Shahaji Bapu Patil Room Slab Collapse : आमदार निवासातील खोलीचा स्लॅब कोसळला, शहाजी बापू थोडक्यात बचावले

मुख्यमंत्री एकनाथ शिंदे ( CM Eknath Shinde ) यांच्यासोबत असलेले आमदार शहाजी बापू पाटील ( Shahaji Bapu Patil ) काल (बुधवारी) रात्री आपले कामकाज संपवून मुंबईमधील मंत्रालयाजवळ असलेल्या आकाशवाणी आमदार निवास ( MLA Niwas Mumbai ) येथे आले. आपल्या खोलीचा त्यांनी दरवाजा उघडताच खोलीचे छप्पर खाली कोसळले. हे छप्पर शहाजीबापू यांच्या बेडवरच कोसळले ( Shahaji Bapu Patil Room Slab Collapse ) आहे. या दुर्घटनेतून ते थोडक्यात बचावले. त्यानंतर आमदार निवासात रात्री दुसऱ्या खोलीचा बंदोबस्त करावा लागला.

मुंबई - " 'काय झाडी, काय डोंगार, काय हाटील समदं ओक्के हाय' या वाक्यांमुळे प्रसिद्ध झालेले शिवसेनेचे बंडखोर आमदार शाहजी बापू पाटील ( Shahaji Bapu Patil ) यांच्या मंत्रालयाजवळील आमदार निवासातील खोलीचा स्लॅब रात्रीच्या सुमारास कोसळला. ( Shahaji Bapu Patil Room Slab Collapse ) या दुर्घटनेतून शहाजी बापू पाटील हे थोडक्यात बचावले आहेत.

थोडक्यात बचावले - मुख्यमंत्री एकनाथ शिंदे ( CM Eknath Shinde ) यांच्यासोबत असलेले आमदार शहाजी बापू पाटील काल (बुधवारी) रात्री आपले कामकाज संपवून मुंबईमधील मंत्रालयाजवळ असलेल्या आकाशवाणी आमदार निवास येथे आले. आपल्या खोलीचा त्यांनी दरवाजा उघडताच खोलीचे छप्पर खाली कोसळले. हे छप्पर शहाजीबापू यांच्या बेडवरच कोसळले आहे. या दुर्घटनेतून ते थोडक्यात बचावले. त्यानंतर आमदार निवासात रात्री दुसऱ्या खोलीचा बंदोबस्त करावा लागला. यात त्यांना खूप त्रास सहन करावा लागला.

यामुळे झाले प्रसिद्ध -शिवसेनेचे मंत्री आणि नेते एकनाथ शिंदे यांनी आमदार फोडून महाविकास आघाडी सरकार पाडले. शिंदे यांच्यासोबत असलेले बंडखोर आमदार सुरत, गुवाहाटी आणि गोवा येथे ११ दिवस होते. या कालावधीत गुवाहाटी येथील हॉटेलमध्ये असलेले शहाजी बापू पाटील यांनी आपल्या कार्यकर्त्यांसोबत बोलताना 'काय झाडी, काय डोंगार, काय हाटील समदं ओक्के हाय' या वाक्याचा उच्चार केला होता. हा संवाद सोशल मीडिया आणि मीडियामध्ये व्हायरल झाल्यावर हे वाक्य प्रसिद्ध झाले आहे. या वाक्यावरून गाणेही बनवण्यात आले आहे.

आमदार निवासातील खोलीचा स्लॅब कोसळला

हेही वाचा -Assembly speaker Rahul Narwekar : शिवसेनेचे आमदार अपात्र होऊ शकतात, विधानसभा अध्यक्षांचे खळबळजनक संकेत

कोण आहेत शहाजी बापू पाटील - शहाजी पाटील हे १९९० च्या विधानसभा निवडणुकीत त्यांना युवक काँग्रेसच्या कोट्यातून सांगोला विधानसभा मतदारसंघात त्यांना उमेदवारी मिळाली. पण या निवडणुकीत त्यांचा पराभव झाला. या मतदार संघात १९६२ पासून गणपतराव देशमुख सलग निवडून येत होते. शहाजी पाटील यांनी १९९५ साली गणपतराव देशमुख यांचा पराभव करत विधानसभेत प्रवेश केला. ते केवळ १९२ मतांनी ते निवडून आले होते. त्यानंतर त्यांनी राष्ट्रवादीमध्ये प्रवेश केला. १९९९ मध्ये त्यांनी अपक्ष निवडणूक लढवली. त्यात त्यांचा पराभव झाला. २०१४ मध्ये त्यांनी शिवसेनेत प्रवेश केला त्यानंतरही त्यांचा पराभव झाला. २०१९ च्या विधानसभा निवडणुकीत त्यांचे पारंपरिक प्रतिस्पर्धी गणपतराव देशमुख यांनी माघार घेतल्यामुळे गणपतराव देशमुख यांचे नातू अनिकेत देशमुख यांच्याशी त्यांची लढत झाली त्यात ते विजयी झाले.

हेही वाचा -Kirit Somaiya Meet CM : ''रिक्षावाला' मुख्यमंत्री एकनाथ शिंदे यांना शुभेच्छा, माफिया मुख्यमंत्री ना हाठविल्या बदल अभिनंदन'