मुंबई-हार्बर मार्गावरील वाशी ते मानखुर्द लोकलवर दगडफेक करणाऱ्याला वाशी रेल्वे पोलिसांना अटक केली आहे. 26 जुलैच्या सकाळी 11.30 वाजण्याच्या सुमारास वाशी ते मानखुर्द दरम्यान धावत्या लोकलवर दगडफेक झाली होती. यावेळी आर. के. यादव या लोकलच्या सुरक्षा रक्षकाच्या डोक्यात दगड लागल्याने ते जखमी झाले होते.
रेल्वे पोलिसांनी लोकलवर दगडफेक करणाऱ्या कन्नन धनपाल हरिजन वय 20 यास मानखुर्द परिसरातील मुंशी शाळेच्या परिसरातून अटक केली. अटक करण्यात आलेला आरोपी कन्नन हरिजन हा ठाणे व कापूरबावडी पोलीस ठाण्यात चोरीच्या गुन्ह्यांत 10 महिने शिक्षा भोगून बाहेर आला आहे. सीसीटीव्हीच्या मदतीने ओळख पटवून त्याला अटक करण्यात आल्याची माहिती वाशी रेल्वे पोलिसांनी दिली.