मुंबई - उपनगरांमध्ये हृदय हेलावून टाकणारी घटना समोर आली आहे. फक्त आपल्याशी काही दिवसापासून बोलत नाही या क्षुल्लक कारणामुळे एका पतीने आपल्या पत्नीची हत्या केली आहे. या प्रकरणी आरोपी अक्षय आठवले याला अटक करण्यात आली आहे.
न बोलत असल्याचा मनात राग धरुन केली हत्या -
पोलिसांनी दिलेल्या माहितीनुसार, मुंबईतल्या पूर्व उपनगरात असलेल्या आरसीएफ पोलीस स्टेशन अंतर्गत राहुल नगरमध्ये एक पतीने आपल्या पत्नीची धारदार शस्त्राने हत्या केली. पत्नी आपल्याशी बोलत नसल्याचा राग मनात धरून ही हत्या केली पोलिसांनी आरोपी पती अक्षय आठवले याला अटक केली आहे. मृतक महिला आकाक्षा वय 21 वर्षे ही धारावीतील एक खासगी रुग्णालयात स्वागतीका म्हणून काम करते. आरोपी अक्षय आठवले यांच्याशी 2019 मधे लग्न केले होते. त्यानंतर त्यांच्यात नेहमीच वाद होत होते म्हणून ही महिला गेल्या काही महिन्यांपासून आपल्या घरी वेगळी राहू लागली.