मुंबई - शहर आणि परिसरात सकाळपासून मुसळधार पाऊस सुरू आहे. यामुळे काही खासगी व्यवस्थापनाच्या माध्यमिक आणि उच्च माध्यमिक शाळांना सुट्टी देण्यात आली असल्याची माहिती शिक्षण विभागाने दिली आहे.
मुंबईत मुसळधार पावसामुळे शाळांना सुट्टी
गणेशोत्सवाच्या निमित्ताने मुंबई आणि कोकण परिसरातील सर्व शाळांना पाच दिवसांची सुट्टी जाहीर करण्यात आली आहे. मात्र, काही शाळा आगाऊ शिकवण्या घेण्यासाठी सुरु ठेवण्यात आल्या होत्या. दरम्यान, मुंबईत सकाळपासून कोसळत असलेल्या पावसामुळे जनजीवन विस्कळीत झाले आहे. सकाळच्या सत्रातच या शाळा बंद करण्याचे आदेश महापालिका आणि शिक्षण विभागाकडून देण्यात आले होते. यानंतर या शाळांना सुट्टी देण्यात आली असल्याची माहिती शिक्षक परिषदेचे कार्यवाह व शिक्षक शिवनाथ दराडे यांनी दिली.