Covid Vaccine : कोरोनाच्या डोसमधील कालावधी नऊ महिन्यांवरून सहा महिने- केंद्र सरकारचा निर्णय

कोरोनाची लाट ओसरली असली तरी केंद्र सरकारकडून ( center gov on vaccine ) काळजी घेण्यात आली आहे. कोरोना लशीबाबत जागतिक संशोधनावरून केंद्र सरकारने लशीच्या कालावधीत बदल केले आहेत.

नवी दिल्ली-राष्ट्रीय लसीकरण तांत्रिक सल्लागार गटाच्या ( NTAGI recommendation ) शिफारशीनुसार, केंद्रीय आरोग्य मंत्रालयाने सर्व लाभार्थ्यांसाठी कोविड-19 लसीच्या दुसऱ्या आणि सावधगिरीच्या डोसमधील अंतर नऊ महिन्यांवरून सहा महिन्यांपर्यंत कमी केले आहे. या नवीन लस प्रणालीसाठी, कोविन प्रणालीमध्ये आवश्यक बदल करण्यात आले आहेत.

केंद्र सरकारने बुधवारी राज्ये आणि केंद्रशासित प्रदेशांना लिहिलेल्या पत्रात केंद्रीय आरोग्य सचिव राजेश भूषण यांनी सांगितले की, राष्ट्रीय लसीकरण तांत्रिक सल्लागार गटाच्या (NTAGI) स्थायी तांत्रिक उपसमितीच्या शिफारशीनुसार हा बदल करण्यात आला आहे. उपसमिती यामधील बदलावर विचार करत आहे. वैज्ञानिक पुरावे आणि जागतिक पद्धती हे लक्षात घेऊन हा निष्कर्ष काढण्यात आला आहे. या शिफारशीला एनटीजीआयनेही मान्यता दिली असल्याचे भूषण यांनी सांगितले.

असा दिला जाणार डोस-केंद्रीय आरोग्य सचिव राजेश भूषण म्हणाले, जागतिक पद्धत पाहून हा निर्णय घेण्यात आला आहे की 18 ते 59 वयोगटातील सर्व लाभार्थ्यांना खासगी कोविड लसीकरण केंद्रात सहा महिने किंवा दुसरा डोस 26 आठवडे पूर्ण झाल्यावर सावधगिरीचा डोस दिला जाईल. आरोग्य सचिव म्हणाले, 60 वर्षांवरील लाभार्थी आणि आरोग्य कर्मचारी आणि आघाडीवर असलेल्या कामगारांना, दुसरा डोस सहा महिने किंवा 26 आठवडे पूर्ण झाल्यानंतर, सरकारी कोविड लसीकरण केंद्रांवर कोरोना लशीचा डोस मोफत दिला जाईल.

हर घर दस्तक दुसरी मोहीम राबवावी-याबाबत सर्व संबंधित अधिकाऱ्यांना सूचना देऊन त्याचा व्यापक प्रचार करावा, असेही ते म्हणाले. सर्व राज्ये आणि केंद्रशासित प्रदेशांच्या मुख्य सचिवांना आणि प्रशासकांना लिहिलेल्या या पत्रात ते म्हणाले, कोविड लसीकरण केंद्रे आणि घरांमध्ये सर्व पात्र लाभार्थ्यांना सावधगिरीच्या डोसचा लाभ देण्यासाठी मी तुमच्या सहकार्याची आणि नेतृत्वाची अपेक्षा करतो. हर घर दस्तक दुसरी मोहीम राबवावी, असे त्यांनी आवाहन केले.

व्हेरियंट प्रूफ' लस विकसित होणार-कोरोना विरोधात लस विकसित करणाऱ्या भारत बायोटेकबाबत महत्त्वाची बातमी आहे. सेपीने ( Coalition for Epidemic Preparedness Innovation ) ने सांगितले की लस निर्माता भारत बायोटेक इंटरनॅशनलला सिडनी युनिव्हर्सिटी आणि स्वित्झर्लंड स्थित एक्सेलजीन यांना USD 19.3 दशलक्ष यांना (सुमारे 149 कोटी) देणार आहे. सेपीची ही रक्कम 'व्हेरियंट प्रूफ' लस विकसित करण्यासाठी वापरण्यात ( variant proof vaccine ) येणार आहे.

अत्यंत प्रभावी लस प्रदान करणे हे ध्येय-सिडनी विद्यापीठातील इन्स्टिट्यूट ऑफ इन्फेक्शियस डिसीजचे प्रोफेसर जेम्स ट्रिकास म्हणाले की, सध्याच्या आणि भविष्यातील SARS-CoV-2 प्रकारांचा सामना करण्यासाठी सुरक्षित, स्वस्त आणि अत्यंत प्रभावी लस प्रदान करणे हे आमचे ध्येय आहे. आमची आंतरराष्ट्रीय संघटना हे साध्य करण्यासाठी काम करत आहे. डॉ. मारिया जे. वर्म, सीईओ, एक्सेलजीन यांनी सांगितले की, आम्ही सध्या कोविड-19 साठी SARS-CoV-2 च्या प्रथिने प्रकारांपासून लस तयार करण्याचे प्रयत्न करत आहोत. त्याला सिडनी विद्यापीठ आणि भारत बायोटेकसह कोलिशन फॉर एपिडेमिक प्रिपेडनेस इनोव्हेशनकडून (CEPI) निधी आणि वैज्ञानिक सल्ला मिळणार आहे. आम्‍हाला आशा आहे आणि प्रथिने-आधारित लसींसाठी विज्ञानासाठी योगदान देऊ.

हेही वाचा-Coronavirus New Cases Today : चिंताजनक! देशात कोरोना रुग्णांसह मृत्यूही वाढले, देशात 16 हजार 159 नवे रुग्ण

हेही वाचा-Corona New Variant: कोरोनाचा नवीन व्हेरिएंट आला.. लस घेतली असली तरीही त्रास होण्याची शक्यता

हेही वाचा-Mumbai Corona Update : मुंबईत बुधवारी 695 रुग्णांची नोंद; महिन्यानंतर शून्य मृत्यू