Draupadi Murmu : नगरसेविका ते देशाच्या प्रथम नागरिक; वाचा, राष्ट्रपती द्रौपदी मुर्मूंचा राजकीय प्रवास

भाजपा प्रणित राष्ट्रीय लोकशाही आघाडीकडून ( NDA president candidate Draupadi Murmu ) झारखंडच्या माजी राज्यपाल द्रौपदी मुर्मू यांना उमेदवारी देण्यात आली होती. या निवडणुकीत द्रौपदी मुर्मूंचा विजय झाला आहे. त्या भारताच्या पंधराव्या राष्ट्रपती झाल्या आहेत. मुर्मू यांच्या विरोधात विरोधीपक्षांकडून माजी अर्थमंत्री यशवंत सिन्हा यांना उमेदवारी देण्यात आली होती. 18 जुलैला या पदासाठी निवडणूक पार पडली आहे. यात मुर्मू ( Draupadi Murmu win ) यांचा विजय झाला आहे.

मुंबई -राष्ट्रपती पदाच्या निवडणुकीसाठी भाजपा प्रणित राष्ट्रीय लोकशाही आघाडीकडून ( NDA president candidate Draupadi Murmu ) झारखंडच्या माजी राज्यपाल द्रौपदी मुर्मू यांना उमेदवारी देण्यात आली होती. या निवडणुकीत द्रौपदी मुर्मूंचा विजय झाला आहे. त्या भारताच्या पंधराव्या राष्ट्रपती झाल्या आहेत. मुर्मू यांच्या विरोधात विरोधीपक्षांकडून माजी अर्थमंत्री यशवंत सिन्हा यांना उमेदवारी देण्यात आली होती. 18 जुलैला या पदासाठी निवडणूक पार पडली आहे. यात मुर्मू ( Draupadi Murmu win ) यांचा विजय झाला आहे. मुर्मू यांचा विजय झाल्याने त्या देशातील पहिल्या आदिवासी राष्ट्रपती झाल्या आहेत. राष्ट्रपतीपदासाठी अनेक उमेदवारांची नावे चर्चेत होती. मात्र, भाजपाने द्रौपदी मुर्मू यांनाच निवडले. कसा आहे द्रौपदी मुर्मूंचा प्रवास जाणून घ्या...

अध्यक्षपदासाठी भाजपाने यावेळी आदिवासी चेहऱ्यावर डाव खेळला आहे. गेल्या वेळी भाजपाने राष्ट्रपतीपदासाठी दलित चेहरा पुढे केला होता. राष्ट्रपती रामनाथ कोविंद हे उत्तर प्रदेशातील कानपूरचे रहिवासी होते. 2017 मध्ये, एनडीएकडून उमेदवार बनण्यापूर्वी ते बिहारच्या राज्यपालपदावर होते. अशा स्थितीत दलितांपाठोपाठ आता आदिवासींकडेही भाजपाने मोर्चा वळवला आहे. द्रौपदी मुर्मू संथाल कुटुंबातील आहेत. त्या मूळच्या ओडिशाच्या आहेत. (2000 ते 2004) या काळात त्या ओडिशाच्या आमदारही होत्या.

कोण आहेत द्रौपदी मुर्मू ? :द्रौपदी मुर्मू या झारखंडच्या नवव्या राज्यपाल होत्या. पाच वर्षांची टर्म पूर्ण करणाऱ्या पहिल्या राज्यपाल ठरल्या. झारखंडची स्थापना 2000 साली झाली. त्यानंतर 2015 ते 21 दरम्यान मुर्मू या राज्यपाल होत्या. द्रौपदी मुर्मू या मूळच्या ओडिशा राज्याच्या आहेत आणि त्या आदिवासी समाजातून येतात. ओडिशात त्या भाजपा-बिजू जनता दल युती सरकारमध्ये मंत्री होत्या. 2000 ते 2004 दरम्यान त्या रायरंगपूर विधानसभा मतदारसंघातून आमदार होत्या. विशेष म्हणजे, द्रौपदी मुर्मू यांचे वैयक्तिक आयुष्य मात्र दुखाने भरलेले आहे. मुर्मू यांच्या पतीचे निधन झालेले आहे. एवढेच नाही तर, त्यांच्या दोन मुलांचाही मृत्यू झाला आहे. सध्या त्यांच्या कुटुंबात त्यांची एकुलती एक मुलगी आहे.

द्रौपदी मुर्मू यांची राजकीय कारकिर्द :1997 मध्ये मुर्मू या रायरंगपूर नगर पंचायतीच्या नगरसेविका म्हणून निवडून आल्या होत्या. भाजपाच्या अनुसूचित जमाती मोर्चाच्या उपाध्यक्षा म्हणून त्यांनी काम पाहिले. 2000 मध्ये त्या रायरंगपूर मतदारसंघातून आमदार म्हणून निवडून आल्या. ओडिशातील बीजेडी आणि भाजपा युती सरकारमध्ये त्यांनी वाणिज्य आणि वाहतूक मंत्रालय सांभाळले. त्यानंतर 2000 ते 2004 दरम्यान मत्स्य व्यवसाय आणि प्राणी संसाधन खात्याची जबाबदारीही त्यांनी पार पाडली. 2015 मध्ये, मुर्मू यांनी झारखंडच्या पहिल्या महिला राज्यपाल म्हणून शपथ घेतली होती.

निवडणुकीत 99 टक्क्यांहून अधिक मतदारांनी मतदान केले :राष्ट्रपतीपदाच्या निवडणुकीत 776 खासदार आणि 4,033 निवडून आलेल्या आमदारांसह एकूण 4,809 मतदार मतदानासाठी पात्र होते. नामनिर्देशित खासदार आणि आमदार आणि विधान परिषदेचे सदस्य यामध्ये मतदान करू शकत नाहीत. निवडणूक आयोगाच्या म्हणण्यानुसार, सोमवारी झालेल्या मतदानादरम्यान 99 टक्क्यांहून अधिक मतदारांनी मतदान केले. भारतीय जनता पक्षाचे खासदार सनी देओल आणि संजय धोत्रे यांच्यासह आठ खासदारांना मतदान करता आले नाही. मतदानादरम्यान देओल उपचारासाठी परदेशात गेले होते, तर धोत्रे आयसीयूमध्ये दाखल आहेत.

इतक्या आमदारांनी मतदान केले नाही : सोमवारी भाजपा, शिवसेना, बहुजन समाज पक्ष, काँग्रेस, समाजवादी पक्ष आणि एआयएमआयएमच्या प्रत्येकी दोन आमदारांनी मतदान केले नाही. कोविंद यांनी 2017 मध्ये राष्ट्रपतीपदाची निवडणूक एकूण 10,69,358 पैकी 7,02,044 मते मिळवून जिंकली होती. त्यांच्या प्रतिस्पर्धी मीरा कुमार यांना केवळ 3,67,314 मते मिळाली होती.

हेही वाचा -Draupadi Murmu Wins : भारताच्या राष्ट्रपतीपदी द्रौपदी मुर्मू यांची निवड.. यशवंत सिन्हा पराभूत