साहिल खानने मला मारण्याचा कट रचला; बॉडीबिल्डर मनोज पाटील यांचा आरोप

बॉलिवूडचे मिस्टर इंडिया बॉडीबिल्डर मनोज पाटील यांनी पत्रकार परिषद घेऊन आत्महत्येचा प्रयत्न केल्याच्या प्रकरणामध्ये स्वतःची बाजू मांडली. मनोज पाटील म्हणाले की, साहिल खानने मला त्रास देणाऱ्या लोकांच्या टोळीचा भाग असल्याचा मुद्दाम आरोप केला होता. तसेच भारताला गौरव मिळवून देण्यासाठी ऑलिम्पिकची तयारी करायची होती.

मुंबई -बॉलिवूडचे मिस्टर इंडिया बॉडीबिल्डर मनोज पाटील यांनी पत्रकार परिषद घेऊन आत्महत्येचा प्रयत्न केल्याच्या प्रकरणामध्ये स्वतःची बाजू मांडली. मनोज पाटील म्हणाले की, साहिल खानने मला त्रास देणाऱ्या लोकांच्या टोळीचा भाग असल्याचा मुद्दाम आरोप केला होता. तसेच भारताला गौरव मिळवून देण्यासाठी ऑलिम्पिकची तयारी करायची होती. पण स्वप्न उध्वस्त करण्याची धमकी वारंवार दिली जात होती.

मनोज पाटील यांनी या प्रकरणाबाबत साहिल खान यांच्याविरोधात ओशिवरा पोलीस ठाण्यात लेखी तक्रार दिली होती. परंतु पोलिसांनी कारवाई केली नाही. नाराज होऊन मनोजने सुसाईड नोट लिहून झोपेच्या गोळ्यांचे सेवन केले होते. नंतर पोलिसांनी साहिल खानवर गुन्हा दाखल केला. रुग्णालयातून बरे झाल्यानंतर मनोज पाटील यांना मनसे पक्षप्रमुख राज ठाकरे यांचे समर्थन मिळेल असे सांगण्यात आले. सध्या मनोज पाटील यांनी महाराष्ट्र नवनिर्माण सेनेवर आशा व्यक्त केली असून त्यांनी कृष्णकुंजला जाऊन न्याय मिळण्याची आशा व्यक्त केली आहे.

काय आहे प्रकरण?

बुधवारी रात्री मनोज पाटीलने आत्महत्या करत जीवन संपवण्याचा प्रयत्न केला. मनोज पाटीलने अभिनेता साहिल खान आपल्याला गेल्या अनेक दिवसांपासून त्रास देत असल्याचा आरोप केला आहे. त्याने त्याच्या सोशल मीडियावरही व्हिडीओ शेअर करत हे आरोप केले होते. त्रास आणि बदनामीमुळेच आपण आत्महत्येचं पाऊल उचलत असल्याचे मनोज पाटीलने सुसाईड नोटमध्ये म्हटले आहे. मिस्टर इंडिया राहिलेला मनोज पाटील मिस्टर ऑलिम्पियासाठी प्रयत्न करत होता. साहिल खानलाही या स्पर्धेत उतरायचं होतं. यामुळेच साहिल खान आपण स्पर्धेत सहभागी होऊ नये यासाठी सर्वतोपरी प्रयत्न करत असल्याचा मनोज पाटीलचा आरोप आहे. याशिवाय व्यावसायिक तसेच इतर वादही होते. याशिवाय साहिल खान सोशल मीडियावर आपली बदनामी करत होता, असेही मनोज पाटीने म्हटले आहे.