मुंबई-अँटिलिया आणि मनसुख हिरेन हत्या प्रकरणी एनआयएकडून आणखी काही पोलिस अधिकाऱ्यांना अटक होण्याची शक्यता व्यक्त होत आहे. या प्रकरणी याआधीच सचिन वाझे यांना अटक झाली आहे. त्यानंतर आता यात गुंतलेल्या अन्य अधिकाऱ्यांवरही अटकेची तलवार आहे. त्यांना आज अटक होवू शकते असे विश्वसनीय सुत्रांनी सांगितले आहे.
एनआयएचा जलद तपास
मुकेश अंबानी यांच्या घराबाहेर स्फोटक प्रकरणी एनआयए वेगात तपास करत आहे. याप्रकरणी पोलीस अधिकारी सचिन वाझे यांना देखील अटक केली आहे. दरम्यान, याप्रकरणात तपासाच्या वेगाला गती मिळत आहे. सीएसएमटी स्थानकाबाहेर मनसुख हिरेन यांना एक मर्सिडिज कार घ्यायला आली होती. हिरेन त्या कारमधून गेले. तर परत आलेच नाहीत, असा संशय एनआयएला आहे. त्यामुळे एनआयएने ती कार ताब्यात घेतली आहे. याप्रकरणी आतापर्यंत ताब्यात घेतलेली ही तिसरी कार आहे. या प्रकरणात एनआयए संपूर्ण सीसीटीव्ही फुटेज तपासत आहे. यामध्ये सीएसएमटी स्थानकाबाहेर मनसुख हिरेन कोणाची तरी वाट पाहत असल्याचा सीसीटीव्ही फुटेज एनआयएच्या हाती लागला आहे. या सीसीटीव्हीत एक मर्सडिज कार येते आणि मनसुख हिरेन त्या कारमध्ये बसुन जातात. एनआयएला असा संशय आहे की, मनसुख हिरेन हे त्यानंतर बेपत्ता झाले. या प्रकरणी ही मर्सडिज कार तपासाचा महत्त्वाचा मुद्दा असणार आहे. या कारची झडती घेतली असता. कारमध्ये पाणी बॉटल, 5 लाख रुपये रोख, पैसे मोजण्याची मशीन व काही कपडे सापडले आहेत. अधिक तपास एनआयए करत आहे. दरम्यान, ही जप्त करण्यात आलेली मर्सिडीज गाडी सारांश भावसार यांच्या मालकीची असून, त्यांनी या गाडीचा सौदा केला होता अशी माहिती समोर आली आहे.
सीसीटीव्ही फुटेज केले जप्त -