मुंबई - राज्यात कोरोनाची दुसरी लाट आटोक्यात आल्याने रोज तीन ते चार हजाराच्या दरम्यान नवे रुग्ण आढळून येत आहेत. काल रुग्णसंख्या घटून २ हजार ७४० रुग्ण आढळून आले, तर २७ रुग्णांचा मृत्यू झाला होता. आज मंगळवार, १४ सप्टेंबर रोजी त्यात वाढ होऊन ३ हजार ५३० नवे रुग्ण आढळून आले आहेत.
हेही वाचा -केंद्राकडील राज्याच्या प्रलंबित विषय तातडीने मार्गी लागणार; नीती आयोगाची मुख्यमंत्र्यांना ग्वाही
आज ५२ रुग्णांचा मृत्यू झाला असून ३ हजार ६८५ रुग्णांना डिस्चार्ज देण्यात आला आहे. राज्यातील मृत्युदर २.१२ टक्के असून रुग्ण बरे होण्याचे प्रमाण ९७.०६ टक्के इतका असल्याची माहिती आरोग्य विभागाने दिली आहे.
राज्यात ४९,६७१ सक्रिय रुग्ण
राज्यात आज दिवसभरात ३ हजार ६८५ रुग्ण बरे होऊन घरी गेले. राज्यात आजपर्यंत एकूण ६३ लाख १२ हजार ७०६ कोरोनामुक्त झाले आहेत. यामुळे राज्यातील रुग्ण बरे होण्याचे प्रमाण ९७.०६ टक्के एवढे झाले आहे. राज्यात ३ हजार ५३० नवीन रुग्णांचे निदान झाले असून ५२ कोरोनाबाधित रुग्णांच्या मृत्यूची नोंद झाली आहे. आतापर्यंत एकूण १ लाख ३८ हजार २२१ जणांना कोरोनामुळे आपला जीव गमवावा लागला आहे. आजपर्यंत तपासण्यात आलेल्या ५ कोटी ६२ लाख २५ हजार ३०४ प्रयोगशाळा नमुन्यांपैकी ६५ लाख ४ हजार १४७ (११.५७ टक्के) नमुने पॉझिटिव्ह आले आहेत. सध्या राज्यात २ लाख ९६ हजार १७६ व्यक्ती होम क्वारंटाईनमध्ये आहेत. राज्यात साध्य ४९ हजार ६७१ सक्रिय रुग्ण आहेत.
रुग्णसंख्येत चढउतार