कोल्हापूर- राष्ट्रवादीचे कोल्हापूर लोकसभेचे उमेदवार खासदार धनंजय महाडिक यांना निवडणुकीत विरोध करण्याचा निर्णय काँग्रेसचे आमदार सतेज पाटील यांनी घेतला आहे. 'आमचं ठरलंय' हे वाक्य गेल्या महिन्याभरापासून सतेज पाटील यांच्या गटातून जिल्ह्यात चर्चेत आले आहे. याचा संदर्भ घेत राष्ट्रवादीचे सर्वेसर्वा शरद पवार यांनी 'तू ठरवलसं तर मी बी ध्यानात ठेवलयं' असे म्हणत काँग्रेसचे आमदार सतेज पाटील यांना नाव न घेता टोला लगावला. ते पेठवडगाव येथील राजू शेट्टींच्या प्रचार सभेत बोलत होते.
संकुचित गोष्टीला जाऊ नका, असाही इशारा शरद पवारांनी सतेज पाटील यांना दिला आहे. पुढे ते म्हणाले, की छोट्या गोष्टीसाठी देशहिताकडे दुर्लक्ष करू नये. कोल्हापूरचा स्वाभिमान असेल तर चुकीचा रस्ता बंद करा. बळीराजासाठी पडेल ती करण्याची तयारी केली तर तुम्हाला सन्मान मिळेल. नाहीत आला तर जनता तुमच्याकडून किंमत वसूल करेल, असा सूचक इशारा त्यांनी नाव घेता सतेज पाटील यांना दिला.