स्थलांतरीत असलेली ७ युवक मजूर पळाले, अमरावतीच्या तिवसा येथील प्रकार

जालना येथील एका कंपनीत काम करणारे ११ युवक मजूर आपल्या गावी गोंदिया येथे चालत जात असताना त्यांना तिवसा येथे अधिकारी यांनी ताब्यात घेऊन  त्यांना जिल्हा परिषद शाळेत ठेवण्यात आले होते.

अमरावती- जालना येथून गोंदिया जिल्ह्यातील आपल्या गावी जाणाऱ्या ११ मजूर युवकांना प्रशासनाने ताब्यात घेऊन अमरावतीमधील तिवसा येथील जिल्हा परिषदेच्या शाळेत ठेवले होते. दरम्यान, बुधवारी रात्री साडेनऊच्या सुमारास यातील सात मजुरांनी शाळेच्या छताचे छत फोडून पलायन केल्याचा धक्कादायक प्रकार समोर आला आहे.

कोरोनाच्या महामारीमुळे राज्यातील अनेक लोकांचे रोजगार बंद झाले आहेत. त्यामुळे जालना येथील एका कंपनीत काम करणारे ११ युवक मजूर आपल्या गावी गोंदिया येथे चालत जात असताना त्यांना तिवसा येथे अधिकारी यांनी ताब्यात घेऊन त्यांना जिल्हा परिषद शाळेत ठेवण्यात आले होते. मात्र, रात्री साडेनऊच्या सुमारास या ठिकाणी एक पोलीस कर्मचारी तैनात असूनही खोलीचे छत फोडून यातील ७ युवक हे पोलिसांना चकमा देऊन पळाल्याची धक्कादायक घटना घडली. त्यामुळे चांगलीच खळबळ उडाली आहे. मात्र, जिल्हा व राज्य बंदी असूनही ह्या युवकांनी कसा काय प्रवास केला याबाबत तपास सुरू आहे. दरम्यान, पळून गेलेली युवकांना शेल्टर होममध्ये ठेवले नसून त्यांना तात्पुरत्या ठिकाणी ठेवण्यात आले होते. त्यांना परवानगी मिळाल्यानंतर आम्ही सोडले असते. मात्र, ते न सांगताच निघून गेले असल्याची माहिती तहसीलदार यांनी दिली.