Ravi Rana Allegation Cm Thackeray : 'मी फरार झालेलो नाही, मुख्यमंत्र्यांना मला अटक करण्याची घाई'

आयुक्तांवरील शाईफेक प्रकरणी माझा काहीएक संबंध ( Throw Ink Municipal Commissioner Amravati ) नाही. फक्त मुख्यमंत्री आणि पालकमंत्री यांच्या आदेशावरुन माझ्यावर गुन्हा दाखल केल्याचा आरोप रवी राणा यांनी केला ( Ravi Rana Allegation Cm Thackeray ) आहे.

अमरावती/दिल्ली - अमरावती महापालिकेचे आयुक्त डॉ. प्रवीण आष्टीकर यांच्यावर 9 जानेवारी रोजी राजापेठ अंडरपास येथे शाई फेक झाल्याच्या ( Throw Ink Municipal Commissioner Amravati ) प्रकरणाशी माझा काहीएक संबंध नाही. केवळ मुख्यमंत्री आणि अमरावतीच्या पालकमंत्र्यांच्या दबावामुळे पोलिसांनी या प्रकरणात माझ्या विरोधात कलम 307 अंतर्गत गुन्हा दाखल केला ( Ravi Rana Allegation Cm Thackeray ) आहे. मी फरार झालेलो नाही मला अटकच करायचे आहे तर मुख्यमंत्र्यांनी पोलिसांना दिल्लीला पाठवावे, अशी प्रतिक्रिया आमदार रवी राणा यांनी दिली ( Ravi Rana On Ink Throw Case ) आहे.

मतदार संघाच्या विकासकामांसाठी मी दिल्लीत

अमरावती जिल्ह्यातील अनेक विकासकामांच्या संदर्भात मी अनेक दिवसांपासून दिल्लीला आलो आहे. मी दिल्लीला कधीपासून आलो याबाबतची बोर्डिंग पास ही मी पोलिसांना पाठवली आहे. रेल्वे मंत्रालयात जिल्ह्याशी निगडीत महत्त्वाच्या विषयांवर माझी बैठक होती. आज सुद्धा महत्त्वाच्या कामानिमित्त मी दिल्लीतच आहे, असे आमदार रवी राणा यांनी म्हटले आहे.

मला फसवण्याचे कटकारस्थान

ज्या घटनेशी माझा काहीही संबंध नाही आणि जेव्हा अमरावतीत महापालिका आयुक्तांवर शाही फेकण्याची घटना घडली त्यादिवशी मी अमरावतीत नव्हतो. असे असतानाही केवळ मला फसविण्यासाठी राजकीय कट-कारस्थान म्हणून माझ्या विरोधात गुन्हे दाखल करण्यात आले आहे. पोलिसांना सहकार्य करण्याची माझी पूर्ण तयारी आहे. मात्र, मला अटक करण्याची घाई मुख्यमंत्र्यांना झाल्याचा, आरोप रवी राणा यांनी केला आहे.

हेही वाचा -Congress Protest Against Modi : फडणवीसांच्या घराबाहेरचं आंदोलन मागे, पटोले म्हणाले, "मोदींनी महाराष्ट्राची..."